FLASH
Shkruar nga Pamfleti
Një ngjarje e rëndë ka ndodhur në Shëngjin, ku një punëtor ka humbur jetën pasi ka rënë nga lartësia e një pallati që po ndertohej.
Viktimë e këtij aksidenti në punë mbeti Emiliano Frroku 28-vjeç, i cili po punonte në katin e 9-të të një objekti në Shëngjin.
Ai ka rënë nga lartësia dhe si pasojë e plagëve të marra nuk ka mundur të mbijetojë dot.
Viktima u mor nga autoambulanca dhe u dërgua në morgun e Spitalit Rajonal të Lezhës, ku do t’i nënshtrohet mjekësisë-ligjore.
Policia e cila mbërriti menjëherë në vendin e ngjarjes po vijon hetimet për zbardhjen e shkaqeve dhe rrethanave të këtij rasti.
Grupi hetimor po verifikon kushtet e sigurisë në punë dhe dokumentacionin ligjor të kompanisë ku punonte 28-vjeçari, ndërsa pjesë e verifikimeve është bërë edhe Inspektorati Shtetëror i Punës.
Lini një Përgjigje