FLASH
Shkruar nga Pamfleti
Një 36-vjeçar ka rënë në prangat e Policisë pasi qarkullonte i armatosur me pistoletë në një lokal në Fushë Krujë.
Gjatë operacionit, shërbimet e Policisë ndërhynë në lokalin në pronësi të shtetasit A. S., ku lokalizuan 36-vjeçarin Andi Xhafa. Gjatë kontrollit të ushtruar ndaj tij, në çantë iu gjet një armë zjarri pistoletë me krehër dhe municion luftarak, e cila u sekuestrua në cilësinë e provës materiale.
"Kapet i armatosur me pistoletë në një lokal në Fushë Krujë dhe vihet në pranga 36-vjeçari. Procedohet penalisht pronari i lokalit, për moskallëzim krimi.
Sekuestrohet arma e zjarrit pistoletë me krehër me municion luftarak. Shërbimet e Seksionit për Hetimin e Narkotikëve të DVP Tiranë, në vijim të punës për goditjen e paligjshmërive, bazuar dhe në informacionet e siguruara në rrugë operative, kanë organizuar dhe finalizuar operacionin e koduar “Klienti”.
Gjatë operacionit, shërbimet e Policisë kanë ndërhyrë në lokalin e shtetasit A. S., në Fushë Krujë, ku kanë lokalizuar shtetasin A. Xh., të cilit gjatë kontrollit në çantë, i kanë gjetur një armë zjarri pistoletë me krehër me municion luftarak.
Në vijim të veprimeve për rastin, u arrestua në flagrancë shtetasi A. Xh., 36 vjeç dhe nisi procedimi penal për shtetasin A. S., 41 vjeç, të dy banues në Fushë Krujë. Materialet procedurale i kaluan Prokurorisë, për veprime të metejshme", njofton policia.
Lini një Përgjigje