
Një 60-vjeçar është gjetur i mbytur mesditën e sotme në rezervuarin e fshatit Grabovicë në Pogradec.
I moshuari banues në Leshnicë, dyshohet se vuante nga probleme të shëndetit mendor. Policia bën me dije se në trupin e viktimës nuk janë konstatuar shenja dhune.
“Më datë 14.08.2023, rreth orës 15:33, në rezervuarin e fshatit Grabovicë, Pogradec, është gjetur i mbytur shtetasi, rreth 60 vjeç, banues në fshatin Leshnicë, Pogradec, i cili dyshohet se vuante nga probleme të shëndetit mendor. Nga këqyrja paraprake e trupit të viktimës nuk janë konstatuar shenja dhune.
Grupi hetimor po punon për zbardhjen e rrethanave të ngjarjes”, njoftoi policia.
Lini një Përgjigje