
Dy plagosje me thikë kanë ndodhur mbrëmjen esotme. Një person ka mbetur i plagosur në rrugën “Luigj Gurakuqi” në afërsi të xhamisë së qytetit si pasojë e një sherri me sende të forta.
Mësohet se në konflikt janë përfshirë disa persona dhe njëri prej tyre është nisur me urgjencë drejt spitalit të Traumës në Tiranë. Sipas mjekëve, ai ndodhet jashtë rrezikut për jetën.
Identiteti i të plagosurit nuk bëhet me dije ende. Policia ka nisur hetimet lidhur me ngjarjen, për të cilën janë shoqëruar në polici disa persona.
Plagosja e dytë ndodhi në Fushë Mamurras. Një person rreth 35 vjeç është qëlluar disa herë me thikë pranë banesës së tij.
Lini një Përgjigje