FLASH
Shkruar nga Pamfleti
Një ngjarje me armë zjarri është regjistruar në orët e para të mëngjesit të së premtes në Tiranë.
Sipas informacioneve paraprake, më 5 qershor 2026, rreth orës 03:00, në spital janë paraqitur për ndihmë mjekësore shtetasit Klisman Rrapushi, (“Lepuri”), banues në Laç, i cili ka pësuar dëmtime në këmbë të shkaktuara dyshohet nga armë zjarri, si dhe për vëllain e tij, Klaudio Gega(Lepuri), i cili ka pësuar dëmtim në këmbë (ndrydhje).
Burime policore bëjnë me dije se të dy të dëmtuarit janë jashtë rrezikut për jetën. Në deklarimet e tyre, ata kanë pohuar se janë sulmuar nga disa persona të panjohur në ambientet e jashtme të një subjekti në rrugën “Faik Konica”.
Menjëherë pas marrjes së njoftimit, shërbimet e Policisë kanë nisur veprimet hetimore për zbardhjen e plotë të ngjarjes. Grupi hetimor, nën drejtimin e Prokurorisë, po punon për identifikimin dhe kapjen e autorëve, si dhe për sqarimin e rrethanave dhe motiveve të incidentit.
Lini një Përgjigje