FLASH
Shkruar nga Pamfleti
Publikohen detaje tronditëse nga krimi i dyfishtë në Konispol, ku burri vrau gruan dhe më pas djali hodhi nga shkallët të atin i cili gjeti vdekjen e menjëhershme.
Dramat e familjes Islamaj në fshatin Shalës të Sarandës, duket se e kanë pikënisjen vite më parë. Origjina e tyre është nga fshati Markat i Bashkisë Konispol, pak kilometra larg Shalësit.
69 vjeçari Hysen Islamaj i cili dyshohet se vrau bashkëshorten e tij me sëpatë në orët e para të mëngjesit, njihej si person problematik nga bashkëfshatarët e tij.
Krimi i vrasjes duket se i ka rrënjët më të thella në këtë familje. Babai i Hysen Islamajt, i njohur në fshat si Xhevit Cene, është dyshuar më parë për të paktën tre vrasje. Dhe të treja kanë qenë bashkëshortet e tij. Njërën nga bashkëshortet e ka vrarë duke e hedhur në gropë të gëlqeres, tjetrën e ka vrarë duke e hedhur në pus, ndërsa tjetrën e ka mbytur në lumë, duke e çuar në tre numrin e viktimave.
Ai njihej si njeri shumë i dhunshëm në fshat, duke kryer edhe veprime shtazarake ndaj bashkëshorteve.
Lini një Përgjigje