FLASH
Shkruar nga Pamfleti
Raportohet se një shtetas amerikan ka vrarë gruan, 2 qentë e tij dhe më pas veten. Krimi brenda familjes, ka ndodhur në afërsi të urës së Institutit në Tiranë.
Tronditet sërish kryeqyteti. Pas plagosjes së ndodhur në Komunën e Parisit, ka ndodhur një tjetër ngjarje e rëndë.
Raportohet se një shtetas amerikan ka mbytyr me litar gruan, 2 qentë e tij dhe më pas veten. Krimi brenda familjes, ka ndodhur në afërsi të urës së Institutit në Tiranë.
Policia ka mbërritur në vendngjarje dhe është duke hetuar rrethanat e këtij incidenti tragjik. Sakaq, autoritetet janë në proces të zbardhjes së motivave dhe ngjarjeve që çuan në këtë akt të dhunshëm.
Bëhet me dihe se autori i ngjarjes së rëndë është amerikani Mathew James Werts 55 vjeç, ndërsa gruaja e tij Indah Lilis Sartika. Bëhet me dije se 55-vjeçari punonte si pedagog në shkollën private "Albanian Collage".
Raportohet se ai ditën e sotme kishte munguar në punë dhe ishte drejtori i shkollës ai që kishte njoftuar policinë.
Pas mbërritjes së policisë në vendngjarje, është gjetur një letër e lënë nga Werts për babanë e tij. Në letrën e tij drejtuar të atit, ai shkruante: “Baba më fal, nuk ia dal dot. Më fal për çfarë bëra, ishte më e fortë se unë”.
Kronologjia e ngjarjes
Fillimisht është gjetur trupi i pajetë i amerikanit, i cili ishte vetëvarur, ndërsa më vonë, duke kërkuar për prova të reja, janë gjetur trupat e pajetë të bashkëshortes së tij me origjinë nga Indonezia, por me pasaportë amerikane.
53-vjeçari amerikan, pasi e ka mbytur gruan, e ka mbuluar trupin e saj me rroba dhe sipër tyre ka vendosur 2 trupat e mbytur të dy qenve.
Paraprakisht dyshohet që ngjarja të ketë ndodhur në kushte depresioni, por kjo është pistë paraprake dhe po hetohet nga policia
Lini një Përgjigje