FLASH
Shkruar nga Pamfleti
Një 50-vjeçar ka rënë në prangat e policisë së Beratit, pasi ishte shpallur në kërkim për llogari të shtetit italian.
Burime për mediat bëjnë me dije se i arrestuari është Hari Bello (Basko).
50-vjeçari me dy mbiemra kërkohet nga shteti italian pasi akuzohet si pjesëtar i një organizate kriminale.
Arrestimi ndodhi gjatë natës, falë bashkëpunimit të Forcave operacionale të Tiranës me ato të Beratit. Kërkesa për arrestim ka ardhur nga SPAK.
"Operacioni, nga shërbimet e Drejtorisë së Forcës së Posaçme Operacionale në DPPSH, në bashkëpunim me Policinë e Beratit, në kuadër të operacioneve të njëpasnjëshme policore, për kapjen e shtetasve të kërkuar ndërkombëtarisht.
I dënuar në Itali, me rreth 10 vjet burgim, për pjesëmarrje në një organizate kriminale për trafikim të lëndëve narkotike, lokalizohet dhe arrestohet me qëllim ekstradimin, 52-vjeçari.
Në vijim të operacioneve policore për kapjen e shtetasve të shpallur në kërkim, të cilat zhvillohen në kuadër të megaoperacionit “Sundimi i ligjit”, si dhe si rezultat i shkëmbimit të vazhdueshëm të informacioneve ndërmjet Interpol Tiranës dhe Interpol Romës, shërbimet e Drejtorisë së Forcës së Posaçme Operacionale në DPPSH, në bashkëpunim me ato të DVP Berat, finalizuan operacionin policor të koduar “Operacionalja 2”.
Gjatë operacionit, në Berat, u lokalizua, u kap dhe u arrestua provizorisht, për t’u ekstraduar në Itali, shtetasi i shpallur në kërkim ndërkombëtar Hari Basko alias Hari Bello, 52 vjeç.
Gjykata e Venecias e ka dënuar këtë shtetas, me 9 vjet, 3 muaj dhe 27 ditë burgim, për veprën penale “Trafikimi i lëndëve narkotike”, kryer në kuadër të organizatës kriminale, sipas parashikimeve të Kodit Penal të Italisë.
Interpol Tirana dhe Interpol Roma po bashkëpunojnë për të kryer ekstradimin e këtij shtetasi", njofton policia.
Lini një Përgjigje