FLASH
Shkruar nga Pamfleti
Një 30-vjeçar u arrestua nga policia, ndërsa babai i tij u shpall në kërkim, për armëmbajtje pa leje. I arrestuari është Saimir Sefaj, ndërsa i shpalluri në kërkim Shefqet Sefaj.
Në banesën e tyre policia gjeti dhe sekuestroi 1 kallashnikov dhe 1 pistoletë, si dhe 4 karikatorë dhe 157 fishekë luftarak.
“Si rezultat i kontrolleve të kryera me mbështetjen e inteligjencës policore, me objektiv ndalimin e shtetasve që posedojnë armë zjarri pa leje dhe janë rrezik potencial për sigurinë publike, shërbimet e Komisariatit të Policisë Shijak finalizuan operacionin “Double”.
Gjatë operacionit u arrestua në flagrancë shtetasi S. S., 30 vjeç dhe u shpall në kërkim babai i tij, shtetasi Sh. S., 54 vjeç.
Nga kontrollet në banesën e tyre në Maminas, u gjetën 2 armë zjarri (kallashnikov dhe pistoletë), 4 karikatorë dhe 157 fishekë luftarak.
Punohet për kapjen e 54-vjeçarit.
Materialet procedurale iu referuan Prokurorisë së Durrësit, për veprime të mëtejshme”, njoftoi policia.
Lini një Përgjigje