FLASH
Shkruar nga Pamfleti
Ai ishte në koma për shkak të dy plumbave që kishte marrë në kokë dhe dy të tjetër në gjoks.
Agustin Kaza 44-vjeçari i cili u qëllua me armë zjarri më 28 prill, në tarracën e një kafeneje në komunën Schaarbeek të Brukselit, ka ndërruar jetë ditën e sotme. Ai ishte në koma për shkak të dy plumbave që kishte marrë në kokë dhe dy të tjetër në gjoks.
44-vjeçari, Augustin Kaza, ishte ulur në tarracën e një kafeneje duke pirë, kur një burrë i maskuar dukej se po kalonte pranë, por papritur u kthye dhe e qëlloi katër herë burrin. Kaza mori 2 plumba në kokë dhe 2 në gjoks. Personi i armatosur u largua pas të shtënave dhe u zhduk ndërkohë që hetimi është ende në vazhdim.
Kush është Agustin Kaza?
Agustin Kaza ishte shënjestër e një atentati në Bruksel mbrëmjen e së dielës. Dyshohet se atentati ndaj tij ka ndodhur për gjakmarrje.
44-vjeçari Agustin Kaza është vëllai i Martin Kazës, i dënuar për vrasjen e dy vëllezërve në 3 korrik të 1997 në Mirditë. Martin Kaza është dënuar me 22 vite burg për vrasjen e vëllezërve Dod dhe Augustin Gjini, të cilët dyshoheshin se i kishin vrarë vëllanë. Ai u ekstradua nga Britania e Madhe në vendin tonë, në dhjetor të vitit 2017.
Historia e gjakmarrjes mes fiseve
Më datë 7 Janar të vitit 1994 qyteti i Rrëshenit u trondit nga vrasja e Shefit të Krimeve, Ndue Kaza.
Ai u qëllua me armë zjarri në mes të qytetit nga Dod Gjini, i cili u largua nga vendngjarja. Shtypi i shkruar i kohës raportonte se vrasja ndodhi pasi Shefi i Krimeve ndërhyri për të shmangur përshkallëzimin e një konflikti mes dy grupeve rivale.
Por 3 vite më vonë, pa arritur që autorët të arrestohen dhe familjet të pajtohen, në qytetin e Laçit vëllai i Komisarit mori hak, duke vrarë 2 vëllezërit Dod dhe Agustin Gjini.
Gazetat raportonin se ngjarja ndodhi mesditën e 3 Korrikut të vitit 1997, ku sipas tyre, në atentat kishin marrë pjesë dy persona. Pas 4 vitesh, Gjykata e Kurbinit shpalli fajtor në mungesë për vrasjen e dyfishtë, Martin Kazën, duke e dënuar me 22 vite burg./Pamfleti
Lini një Përgjigje