FLASH
Shkruar nga Pamfleti
Ai tha se kjo nuk ka lidhje, por Plarenti e kishte ofenduar shumë rëndë në lidhje me sms që më ka sjellë nëpërmjet Redian Rrajës.
I penduari i drejtësisë, Erion Alibej ka rrëfyer detaje për ngjarjen e Shkozetit ku ish prokurorit Arjan Ndoja iu bë atentat.
Gjatë seancës që po mbahet sot në Gjykatën e Posaçme, Alibej ka rrëfyer thyerjen e marrëdhënies me Plarent Dervishajn.
I pyetur nga avokati nëse ishte zhgënjyer nga Dervishaj pasi u bë bashkëpunëtor me Çopjat në Dubai, Alibej e mohoi. Ai tha se kjo nuk ka lidhje, por Plarenti e kishte ofenduar shumë rëndë në lidhje me sms që më ka sjellë nëpërmjet Redian Rrajës.
Pjesë nga dëshmia:
Alibej: Njëherë thoshte se lidhej me portin e Durrësit, por kishte dhe pretendime të tjera. Nuk kishte dhe shumë siguri nëse do e bënte apo nuk do e bënte, por më pas e realizoi.
Avokati: Dervishaj bashkëpunonte me Çopjat në Dubai sipas jush? Ju kështu thatë. Zhgënjimi që ju patët nga Plarent Dervishaj vinte për këtë arsye.
Alibej: Nuk ka lidhje kjo gjë, ai më ka ofendu shumë rëndë në lidhje me sms që më ka sjellë nëpërmjet Redian Rrajës, unë s’e përmend këtu këtë gjë. Nuk i kam të sigurt se sa kohë kishte ai që bashkëpunonte me Çopjat. Kur kam dërgu avokatët e mi, për të bashkëpunu me SPAK kam qenë pa rezerva, nuk e mbaj mend nëse kisha nisur të jepja deklarime apo jo në lidhje me çështjet e tjera.
Avokati: Ju ka përmendur Plarent Dervishaj, që Arjan Ndoj të ketë pasur çështje të tij nëpër duar duke qenë se ishte prokuror?
Alibej: Unë nuk e mbaj mend nuk jam shumë i sigurt. Edhe pse jam takuar njëherë nuk do të thotë se ai do më tregonte mua gjithçka.
Xholi: Mund të na thoni nëse këto deklarime që thatë sot dhe ato që keni dhënë me herët i keni dhënë me vullnetin tuaj të lirë.
Alibej: Në asnjë moment, unë nuk jam ndjerë i presionuar, që kur kam bashkëpunuar unë kam thënë vetëm të vërtetën.
Lini një Përgjigje