
Ka përfunduar arratia e shqiptarit të kërkuar në Itali, teksa është vënë në pranga në aeroportin ndërkombëtar të Valencias. Mediat italiane shkruajnë se në pranga është vënë Vullnet Daci, i shpallur në kërkim prej verës së 2023, për trafik të lëndëve narkotike.
Njësia informuese e Karabinierëve të Njësisë Operative Trani, në bashkëpunim me kolegët e Modugno, bënë të mundur lokalizimin e shqiptarit, i cili ishte vendosur në Francë.
Pas një periudhe përgjimi dhe mbajtje nën vëzhgim, ai më në fund u arrestua u arrestua në aeroportin e Valencias.
Daci pas kthimit në Itali, do të duhet të vuajë dënimin me 5 vjet e 11 muaj burg.
Lini një Përgjigje