FLASH
Shkruar nga Pamfleti
Një shqiptar, 37-vjeçar, i dëbuar për 10 vjet nga autoritetet italiane, u kap nga policia në Terni, megjithëse kishte ndryshuar gjeneralitetet duke tentuar kështu t’i shmangej rregullit që e ndalonte të shkelte në territorin e këtij shteti.
Shqiptari akuzohet për shkelje të rregullave të emigracionit, ndërsa u kap nga një patrullë në natën e së hënës, gjatë një kontrolli në via Narni.
Policia, sipas mediave italiane, ndaloi një automjet tip fuoristrada, që shqiptari e kishte marrë me qira.
Ndonëse shoferi kishte dhënë një leje drejtimi me të dhëna të vërteta në dukje, policia arriti të identifikojë menjëherë të huajin, duke e lidhur atë me një individ me precedentë të shumtë penalë.
Për këtë arsye, ai iu nënshtrua ndalimit me identifikim, duke përfshirë edhe shenjat e gishtave, që zbuluan se 37-vjeçari ishte dëbuar tashmë nga territori italian, i shoqëruar në kufi nga forcat e rendit.
Ai ishte dëbuar në tetor 2022, duke i ndaluar hyrjen për dhjetë. vjet. Për të huajin, i cili kishte ndryshuar mbiemrin në vendin e tij të origjinës, kjo shkaktoi arrestimin dhe ndalimin në një dhomë sigurie, në pritje të seancës së vlefshmërisë, e cila u zhvillua mëngjesin e së martës, ku gjyqtari i gatshëm, vlerësoi si të drejtë arrestimin, ndikuar nga një tjetër procedim në vazhdim.
Lini një Përgjigje