FLASH
Shkruar nga Pamfleti
26-vjeçari Shkëlqim Saraçi është arrestuar nga policia pasi tentoi të përfitonte 20 mijë euro nëpërmjet mashtrimit. I riu prezantohej në aplikacione të ndryshme si funksionar i lartë shtetëror.
Ai u arrestua në momentin që po i merrte para administratori të një subjekti privat. Ndërkohë, policia ka shpallur në kërkim një 24-vjeçar me inicialet L.D, organizatorin e rastit.
Policia ka sekuestruar 20000 euro, 3 celularë dhe 1 automjet. Nga hetimet është zbuluar se këta shtetas, duke u prezantuar si funksionarë të lartë shtetërorë, i kanë kërkuar administratorit, 50 000 euro.
Ata akuzohen për veprat penale “Mashtrim”, me pasoja të rënda, dhe “Përvetësimi i titullit apo detyrës shtetërore”.
“Finalizohet një tjetër operacion me objektiv goditjen e përfitimit nëpërmjet mashtrimit, të shumave të konsiderueshme të parave.
Operacioni policor i koduar “Apps” arrestoi në flagrancë një 26-vjeçar, teksa po i merrte administratorit të një subjekti privat, 20000 euro, pas mashtrimit në aplikacione të ndryshme, duke u prezantuar si funksionar i lartë shtetëror.
Punohet për kapjen e organizatorit të këtij rasti, të identifikuar tashmë nga Policia.
Sekuestrohen 20000 euro, 3 celularë dhe 1 automjet.
Sektori për Hetimin e Krimit Ekonomik dhe Financiar në Drejtorinë për Hetimin e Krimit Ekonomik dhe Financiar në Departamentin e Policisë Kriminale, në bashkëpunim me Drejtorinë e Forcës së Posaçme Operacionale, si dhe në drejtimin e Prokurorinë së Tiranës, finalizoi operacionin policor të koduar “Apps”, si rezultat i të cilit u vu në pranga shtetasi Sh. S., 26 vjeç, banues në Tiranë.
26-vjeçari u kap në flagrancë ndërkohë që po i merrte administratorit të një subjekti privat, të cilin e kishte mashtruar në aplikacione të ndryshme, 20000 euro. Gjithashtu, si rezultat i këtij operacioni u identifikua dhe u shpall në kërkim organizatori i dyshuar i këtij rasti, shtetasi L. D., 24 vjeç.
Gjatë hetimeve ka rezultuar se këta shtetas, duke u prezantuar si funksionarë të lartë shtetërorë, i kanë kërkuar administratorit, 50 000 euro.
Punohet për lokalizimin dhe kapjen e shtetasit L. D., i cili nga verifikimet rezulton se është jashtë shtetit, si dhe vijojnë hetimet për të identifikuar dhe nxjerrë përpara përgjegjësisë penale, shtetasit e tjerë që mund të jenë implikuar në këtë rast.
Materialet procedurale i kaluan Prokurorisë së Tiranës, për veprime të mëtejshme, për veprat penale “Mashtrimi”, me pasoja të rënda, dhe “Përvetësimi i titullit apo detyrës shtetërore”, njoftoi policia.
Lini një Përgjigje