FLASH
Shkruar nga Pamfleti
Ky është 23-vjeçari Mateo Gllucaj, i cili ditën e djeshme i mori jetën babait të tij, Durmish Gllucaj.
Mato Glluçaj kishte vendosur lëndë eksplosive në oborrin e shtëpisë pranë sobës dhe në momentin kur i ati është afruar e ka shpërthyer përmes një mekanizmi elektrik.
Shkak i krimit të rëndë është dhuna e vazhdueshme që 56-vjeçari ushtronte ndaj të riut, aq sa ai vendosi ta hidhte në erë.
Ditën e djeshme ngjarja në Selenicë u raportua si një aksident, pasi policia dyshoi se shpërthimi kishte ndodhur nga bombola e gazit, duke mos dyshuar aspak tek 23-vjeçari, i cili duket se pas shpërthimit i ka zhdukur provat.
Policia nuk priste që brenda banesës së tragjedisë të fshihej një skenar i tillë, dhe aq më pak një arsenal i tërë armatimesh që u sekuestrua: 25 granata dore difensive, 37 kallëpe me lëndë plasëse tritol, 43 kapsolla detonatore, 5 ndezësa granatash, 1 pushkë, 310 fishekë luftarakë, 12 krehra për armë zjarri, 2 radio marrëse-dhënëse dhe kapuça dhe veshje për mbulimin e fytyrës.
Lini një Përgjigje