FLASH
Shkruar nga Pamfleti
Një ngjarje e rëndë është shënuar ditën e sotme në Ballsh, ku një 60-vjeçar i ka dhënë fund jetës.
Shtetasi Petrit Jaupaj, ka qenë në gjendje të rënduar emocionale kur i ka dhënë fund jetës duke konsumuar medikamente mjekësore, pranë varrit të bashkëshortes së tij.
60-vjeçari është gjetur i pajetë nga qytetarë të tjerë në varrezat publike te qytetit.
Mësohet se Petrit Jaupaj ishte mësues i lëndës së Bio-Kimisë në shkollën 9-vjeçare “ 5 Shkurti” në Ballsh, ndërsa rreth 1 vit e gjysëm më parë bashkëshortja e tij kishte ndërruar jetë si pasojë e një semundjeje të rëndë.
Trupi i pajetë i 60-vjecarit është dërguar në morgun e Spitalit Rajonal Fier, për kryerjen e ekspertizës mjeko- ligjore.
“Në varrezat e qytetit të Ballshit, shtetasi P. J., 60 vjeç, dyshohet se ka konsumuar sasi medikamentesh mjekësore dhe për pasojë ka ndërruar jetë.
Grupi hetimor po punon për sqarimin e plotë të rrethanave të ngjarjes”, njoftoi policia.
Lini një Përgjigje