FLASH
Shkruar nga Pamfleti
Pesë persona, mes tyre një shqiptar u arrestuan nga autoritetet greke, ndërsa bisedat e përgjuara zbulojnë mënyrën se si organizata koordinonte shpërndarjen e drogës dhe komunikonte me klientët.
Një organizatë kriminale që përdorte një kompani transporti turistësh si mbulesë për trafikun e drogës në Mykonos është goditur nga autoritetet greke, pas një hetimi që çoi në arrestimin e pesë personave.
Sipas policisë greke, rrjeti kishte ngritur një skemë të mirëorganizuar për shpërndarjen e lëndëve narkotike në ishull, duke përfituar rreth 700 mijë euro nga aktiviteti i paligjshëm. Hetimet u zhvilluan në Mykonos, Pire dhe Perama, ku u sekuestruan sasi kokaine, kanabisi, ketamine dhe substanca të tjera narkotike.
Në krye të organizatës ishte shqiptari Euglent Alimani, i cili paraqitej si biznesmen në fushën e transportit të turistëve. Sipas autoriteteve, automjetet që përdoreshin për transportin e vizitorëve shërbenin gjithashtu për shpërndarjen e drogës, ndërsa shoferët kishin rol aktiv në trafikimin e saj.
Përgjimet e publikuara nga autoritetet hedhin dritë mbi mënyrën e komunikimit dhe funksionimit të grupit.
Trafikanti - Shoferi i transportit (transfer): Ç'ka kemi vëlla.
Nënkryetari: Më synchronization më tha mos të të merrja, pastaj humbe, thashë "çfarë ndodhi?"
Trafikanti - Shoferi i transportit (transfer): Jo, sepse kisha klientë dhe tani erdhi përsëri një anije por (fjalor banal)... tani po vjen edhe një tjetër dhe mbaroi pas kësaj.
Nënkryetari: Dakord, ok.
Trafikanti - Shoferi i transportit (transfer): Ka disa policë tani, budallenj, këtu rreth e rrotull mor burrë.
Nënkryetari: Po?
Trafikanti - Shoferi i transportit (transfer): Po, po … (fjalor banal).
Nënkryetari: E kanë zënë pritën poshtë?
Trafikanti - Shoferi i transportit (transfer): Po.
Më tej në dialogun e paraqitur më poshtë, tregohet biseda mes një trafikanti dhe një klienti, bisedë kjo e cila “rrotullohet” rreth një “guri” (vrahos), dhe një tjetre substance narkotike që ata e quajnë “exta”.
Klienti i rrjetit: Alo.
Trafikanti - Shoferi i transportit (transfer): Po të nis një numër telefoni, është njeriu im ai, thjesht ai ka "gur" (vrahos), kupton?
Klienti i rrjetit: Eeee.
Trafikanti - Shoferi i transportit (transfer): Bashkëpunojmë me atë djalin.
Klienti i rrjetit: Eee dëgjo mua... nuk di gjë unë për gurë e gjëra të tilla. "Ex" (ekstazi) do ai.
Trafikanti - Shoferi i transportit (transfer): Gjashtë (Exi) do ai?
Klienti i rrjetit: Exta (Ekstazi).
Trafikanti - Shoferi i transportit (transfer): Exta?
Klienti i rrjetit: Po.
Trafikanti - Shoferi i transportit (transfer): Kemi.
Më tej paraqitet një tjetër bisedë, per dërgim të lëndëve narkotike.
Shoferi i transportit: O burrë.
Nënkryetari: O burrë. Ku je?
Trafikanti - Shoferi i transportit (transfer): Në shtëpi.
Nënkryetari: Mund të shkosh dy (doza/pako) te "budallai" në Ano Mera?
Trafikanti - Shoferi i transportit (transfer): Në Ano Mera?
Nënkryetari: Po, te budallai.
Trafikanti - Shoferi i transportit (transfer): Po të bëj gati "rrobat" (nënkupton pakot e drogës) ta dish që tani. Po shkoj, po shkoj.
Nënkryetari: Ok. Po i them të më nisë vendndodhjen (location) dhe ta dërgoj. Mos i jep asgjë nëse nuk të jep para.
Trafikanti - Shoferi i transportit (transfer): A, atij budallait? Atij budallait?
Nënkryetari: Po, atij budallait. Nëse të thotë "sillini dhe t'i çoj unë" e gjëra të tilla, mos e beso.
Trafikanti - Shoferi i transportit (transfer): Dakord, lëre fare xaxaxa (të qeshura), lëre fare.
E në përfundim, është edhe një dialog, në të cilin flitet për kërkesat e klientëve të tyre, ku eksponentët shprehen se ata duan “drogë dhe femra”.
Nënkryetari: Ata tani do të duan droga dhe femra.
Trafikanti - Shoferi i transportit (transfer): Po, e di.
Nënkryetari: Femra duan?
Trafikanti - Shoferi i transportit (transfer): Ore vëlla, nuk më thanë gjë për femra, por duan ta zëmë të shkoj atje e të rrimë... u thashë edhe për atë tjetrën.
Nënkryetari: Po, thuaju për atë tjetrën dhe shohim e bëjmë.
Trafikanti - Shoferi i transportit (transfer): Dakord, ok.
Nënkryetari: Hajde, hajde.
Trafikanti - Shoferi i transportit (transfer): Hajde.
Lini një Përgjigje