FLASH
Shkruar nga Pamfleti
Një kapiten shqiptar 45 vjeç, është arrestuar nga autoritetet portuale në Korfuz, pasi trageti që ai drejtonte rezultoi të kishte në bord një numër pasagjerësh mbi kapacitetin e lejuar.
Sipas mediave greke, trageti, i cili lundronte nën flamurin e shtetit Saint Kitts dhe Nevis, kishte mbërritur në portin e Korfuzit nga një port në Shqipëri. Gjatë kontrollit të kryer pas ankorimit, oficerët e Autoritetit Qendror Portual konstatuan se në bord ndodheshin më shumë pasagjerë sesa parashikohej në certifikatën e lundrimit të mjetit.
Pas verifikimeve, 45-vjeçari u vu në pranga nën dyshimin për shkelje të legjislacionit detar grek, përfshirë dispozitat që lidhen me transportin e pasagjerëve mbi kufirin e lejuar dhe rregullat për regjistrimin, kontrollin dhe evidentimin e tyre.
Autoriteti Qendror Portual i Korfuzit ka nisur hetimet për të zbardhur plotësisht rrethanat e rastit, ndërsa paralelisht është vënë në lëvizje edhe procedura për vendosjen e masave administrative të parashikuara nga ligji.
Lini një Përgjigje