FLASH
Shkruar nga Pamfleti
Ditën e sotme është shënuar një akt dhune në qytetin e Vlorës, ku është rrahur brutalisht një punonjës i Ndërmarrjes së Pastrimit.
Rreth orës 14:00, përballë tregut të Çoles, është dhunuar fizikisht Kozma Kukli 70 vjeç.
70-vjeçari ndodhet aktualisht në gjendje të rëndë shëndetësore në spitalin rajonal të Vlorës.
Ai ka dëshmuar se dy persona i janë afruar me një furgon, kanë zbritur dhe e kanë goditur pa asnjë paralajmërim.
Banorët aty pranë kanë ndërhyrë menjëherë, duke njoftuar ambulancën dhe policinë, ndërsa i moshuari është dërguar me urgjencë në spital.
Mjekët bëjnë me dije se ka pësuar dëmtime të shumta në kokë dhe në syrin e djathtë, i cili rrezikon shikimin.
Policia e Vlorës nuk ka reaguar ende mbi ngjarjen.
Lini një Përgjigje