FLASH
Shkruar nga Pamfleti
Policia italiane ka zbardhur episode të tjera grabitjesh të kryera nga banda e katër shqiptarëve të arrestuar tre ditë më parë në zonën e Casertës, gjatë një operacioni të shoqëruar me përplasje të forta, ku mbetën të plagosur gjashtë efektivë policie.
Sipas autoriteteve, grupi kriminal rezulton të ketë kryer një seri bastisjesh me dëme që arrijnë në mijëra euro edhe në provincën e Frosinones, si dhe në rajonet e Kampanias dhe Lazios. Operacioni për arrestimin e tyre u zhvillua mes Cesa-s dhe San Marcellinos, me angazhimin e mbi 100 forcave të Policisë së Shtetit.
Në San Marcellino, një i afërm i bashkëshortes së njërit prej të arrestuarve i cili ishte rreth 100 kilogramë u hodh nga kati i parë mbi efektivët në përpjekje për të ndihmuar arratisjen e të afërmit të tij, duke plagosur pesë policë. Një efektiv tjetër u sulmua drejtpërdrejt nga një prej grabitësve dhe pësoi dëmtime, për të cilat mori trajtim spitalor.
Katër të arrestuarit, me origjinë nga një fshat në veri të Shqipërisë, prezantoheshin si “kushërinj”, ndonëse nuk kishin lidhje familjare mes tyre. Ata vepronin sipas një skeme të përcaktuar, gjashtë ditë në javë, nga ora 16:00 deri në 23:00, duke hyrë në banesa edhe kur pronarët ndodheshin brenda dhe duke u larguar me automjete të fuqishme.
Kur zbuloheshin, anëtarët e bandës kërcënonin viktimat ose përdornin objekte të forta për të siguruar largimin. Gjatë operacionit u sekuestruan sende me vlerë dhe bizhuteri që arrijnë deri në 1 milion euro, si dhe rreth 100 mijë euro cash, armë dhe materiale të tjera të përdorura për aktivitetin kriminal.
Hetimi, i drejtuar nga Zyra e Prokurorit Publik të Santa Maria Capua Vetere në bashkëpunim me Skuadrën Fluturuese të Casertës, nisi pas grabitjes së një banese mjekësore në San Leucio dhe çoi në dokumentimin e dhjetëra vjedhjeve në Kampania dhe në jug të Lazios, përfshirë provincën e Frosinones. Autoritetet italiane deklarojnë se banda u neutralizua falë ndërhyrjes së koordinuar dhe vendosmërisë së Policisë së Shtetit.
Lini një Përgjigje