FLASH
Shkruar nga Pamfleti
31-vjeçari Xhem Krasniqi u qëllua në bark në Church Road, ndërsa vëllai i Krasniqit dhe nipi i tij u qëlluan gjithashtu, por u shpëtuan plumbave....
Zbardhen emrat e dy vëllezërve që shefi i krimeve në Komisariatin nr. 6 në Tiranë Dedan Gjoni, bashkë me, Bujar Germizin dhe Besmir Mustafin bënë plan për t'i eliminuar. Ata janë Albert e Edmond Nela nga Kukësi, dy emra të njohur në Britani.
Ata janë akuzuar në vitin 2013 si të përfshirë në vrasjen e një tjetër shqiptari, të identifkuar në atë kohë si Xhem Krasniqi, punëtor skele me banim në zonën e Kentit.
31-vjeçari Xhem Krasniqi u qëllua në bark në Church Road, ndërsa vëllai i Krasniqit dhe nipi i tij u qëlluan gjithashtu, por u shpëtuan plumbave. Viktima, që jetonte në Kent, po vizitonte familjen e tij në Brighton së bashku me gruan dhe dy fëmijët e tij. Ai, së bashku me vëllain dhe nipin, po ecnin në rrugë në momentin kur tre persona u shfaqën para tyre dhe hapën zjarr. Krasniqi u dërgua në Royal Sussex Country Hostpital, por vdiq pak orë më vonë. Viktima kishte më se gjashtë vjet që jetonte në Britani së bashku me gruan dhe dy fëmijët.
Dy vëllezërit Albert e Edmond Nela u shpallën në kërkim si autorë të dyshuar. Më pas Edmondi u arrestua në Itali, ndërsa vëllai në Angli. Por Edmond Nela u lirua nga akuzat, pasi nuk u gjetën prova se ishte ai që qëlloi.
Sa i takon aksionit të SPAK, në kuadër të tij u arrestuan Dedan Gjoni, oficer policie dhe Erzen Breçani, ish-zyrtar i policisë, si dhe u shpall në kërkim Ervin Mata, djali i Erzen Breçanit, Eralbi Breçani si dhe u shpallën në kërkim disa persona të tjerë.
Sipas dosjes hetimore, Dedan Gjoni kryen veprime aktive duke ndjekur motrën dhe nënën e dy vëllezërve, tenton t’ju vërë GPS në makinë, ndërsa nxjerr nga sistemi TIMS të dhënat për Albert dhe Edmond Nelën.
Vrasja nuk realizohet, pasi nuk arrijnë t’i gjejnë vendndodhjen e dy vëllezërve. Ndërkohë, Ismail Zeneli rezulton person kyç në trafikun e drogës nga Brazili dhe Ekuadori në drejtim të vendeve të BE-së dhe bashkëpunon ngushtë me Eralbi Breçanin. /Pamfleti
Lini një Përgjigje