FLASH
Shkruar nga Pamfleti
Një ngjarje e rëndë ka ndodhur mbrëmjen e sotme në Shkodër, ku një 21-vjeçar ka përplasur për vdekje një këmbësor.
I riu Valter Doçaj ka përplasur të moshuarin në lagjen Draçin, i cili fatkeqësisht ka humbur jetën në vendngjarje. 70-vjeçari që ndërroi jetë është shtetasi Pal Bicuku.
21-vjeçari është arrestuar menjëherë nga policia. Grupi hetimor po punon për zbardhjen e plotë të shkaqeve të aksidentit.
“Rreth orës 19:35, në lagjen Draçin, shtetasi V. D., 21 vjeç, duke drejtuar automjetin, ka përplasur këmbësorin, shtetasin P. B., 70 vjeç, i cili si pasojë e përplasjes ka humbur jetën në vendngjarje.
Shtetasi V. D., u shoqërua në Komisariat për veprime të mëtejshme.
Grupi hetimor po punon për sqarimin e plotë të rrethanave të aksidentit”, njoftoi policia.
Lini një Përgjigje