
Rrugët e Shqipërisë vijojnë të përgjaken. Një aksident i rëndë me pasojë vdekjen ka ndodhur në fshatin Melan të Dibrës. Automjeti ka humbur kontrollin në përpjekje për të dalë në rrugë kryesore. Për pasojë ka humbur jetën i riu 20- vjeçar.
Makina ka dalë nga rruga dhe ka rënë në përrua.
Dyshohet se si pasojë e aksidentit ka mbetur i plagosur edhe një person tjetër.
"Sot, rreth orës 14:15 në rrugën dytësore të fshatit Melan, shtetasi R.K., 18 vjeç, duke drejtuar automjetin tip “Golf”, ka humbur kontrollin mbi drejtimin e mjetit dhe mjeti ka dalë nga rruga. Si pasoje e aksidentit ka humbur jetën pasagjeri shtetasi A.S., 20 vjeç."-njofton policia.
Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit.
Lini një Përgjigje