FLASH
Shkruar nga Pamfleti
Një aksident fatal ka ndodhur në një kantier ndërtimi në Tiranë, ku një punëtor 58-vjeçar ka humbur jetën si pasojë e rrëzimit të pompës së një betoniereje gjatë punës. Ngjarja ka ndodhur në zonën e mbuluar nga Komisariati Nr. 5, ku ndërhyrja e Policisë ka çuar në arrestimin e drejtuesit të mjetit.
Sipas burimeve zyrtare nga Policia e Shtetit, “Specialistët për Hetimin e Krimeve të Komisariatit të Policisë Nr. 5 arrestuan shtetasin E. L., 36 vjeç, pasi dyshohet se si pasojë e rrëzimit të pompës së mjetit të punës (betoniere) që drejtonte, është dëmtuar punonjësi në të njëjtin subjekt me të, shtetasi R. R., 58 vjeç, i cili si pasojë ka humbur jetën”.
Dyshimet e para ngrenë pikëpyetje mbi masat e sigurisë në kantier dhe mirëmbajtjen teknike të pajisjeve të ndërtimit. Nuk dihet ende nëse kompania ka zbatuar protokollet ligjore për sigurimin e punonjësve në ambientet e punës. Policia dhe Inspektorati Shtetëror i Punës pritet të thellojnë hetimet për të zbuluar përgjegjësitë konkrete të subjektit ndërtues.
Lini një Përgjigje