FLASH
Shkruar nga Pamfleti
Një 45-vjeçar është arrestuar mbrëmjen e sotme nga policia e Tiranës, pasi ka plagosur me thikë një person.
Sipas policisë, 42-vjeçari Armando Jakupi ka plagosur me thikë një të ri me inicialet A.Z 26 vjeç.
Ngjarja ndodhi në “Bulevardin e Ri”, ndërsa mësohet se konflikti ka ndodhur për motive të dobëta. Dyshohet se autori ka qenë nën efektin e alkoolit.
“Plagosi me mjet prerës një shtetas, gjatë një konflikti për motive të dobëta, arrestohet 42-vjeçari.
Shërbimet e Komisariatit të Policisë Nr. 3, pas marrjes së njoftimit se në rrugën “Reshit Petrela”, sot rreth orës 20:00, kishte ndodhur një konflikt gjatë të cilit ishte dëmtuar me mjet prerës një shtetas, kanë organizuar menjëherë punën për kapjen e autorit dhe vënien e tij përpara përgjegjësisë ligjore.
Si rezultat i veprimeve të shpejta policore, u kap dhe u arrestua shtetasi A. J., 42 vjeç, banues në Tiranë.
Nga veprimet hetimore dyshohet se 42-vjeçari, gjatë një konflikti për motive të dobëta, ka plagosur me mjet prerës shtetasin A. Z., 26 vjeç, i cili ndodhet në spital, nën kujdesin e mjekëve.
Materialet i kaluan Prokurorisë për veprime të mëtejshme”, njoftoi policia.
Lini një Përgjigje