FLASH
Shkruar nga Pamfleti
Erion Veliaj, kryetari i bashkisë së Tiranës i shkarkuar me vendim të Kryeministrit Edi Rama, ka paraqitur një ankim në Gjykatën Kushtetuese, duke kërkuar që i gjithë procesi që e shkarkoi nga detyra e Kryetarit të Bashkisë të shpallet i pavlefshëm.
I gjithë procesi u drejtua nga Babloku, i cili, në Asamblenë e PS-së më 11 shtator, njoftoi fillimin e procedurave për shkarkimin e Veliajt, duke shpallur njëkohësisht Ogerta Manastirliun si kandidate të PS-së për zgjedhjet e pjesshme në Bashkinë e Tiranës.
Procesi për shkarkimin e Veliajt përfundoi më 25 shtator, datën kur Këshilli i Ministrave vendosi për shkarkimin, pasi më parë Këshilli Bashkiak, me votat e PS-së, PD-së dhe disa aleatëve të opozitës, propozoi shkarkimin e Kryetarit të Bashkisë, i cili fitoi mandatin e tij të tretë radhazi në zgjedhjet e vitit 2023.
Rama ka vazhduar procedurat, duke njoftuar KQZ-në për vakancën, por edhe duke i përcjellë Presidentit të Republikës kërkesën për të shpallur datën e zgjedhjeve për Bashkinë e Tiranës dhe disa bashki të tjera, ku do të ketë zgjedhje të parakohshme të pjesshme për shkak të dorëheqjeve të Kryetarëve të Bashkive.
Ndërkohë, Gjykata Kushtetuese ka emëruar relatorin për çështjen në lidhje me kërkesën e Veliajt, ndërsa sqaron për News24 se e ka regjistruar kërkesën e Kryetarit të Bashkisë të shkarkuar dhe ka njoftuar publikimin e regjistrimit.
Sipas njoftimit, ky njoftim ka efektin e një njoftimi publik për të gjitha palët e përfshira, përfshirë Këshillin e Ministrave dhe Presidentin e Republikës.
Kjo do të thotë se ata janë tashmë të informuar për kërkesën e paraqitur. Gjykata thekson gjithashtu se pezullimi i vendimit të pushimit nga puna mbetet në fuqi deri në një vendim përfundimtar.
"Gjykata ka publikuar regjistrimin e kërkesës. Njoftimi është i barabartë me një njoftim publik", thuhet në përgjigjen e Gjykatës Kushtetuese.
Znj.Sonila e Gj.K , mos ju zëmërohet Kryeministri?!