FLASH
Shkruar nga Prelë Milani
Të presim me qetësi e vigjilencë premtimin e dhënë, përndryshe 2025 do na gjej me fjalë të tjera! Urime Fituesit! Zoti i dhëntë shëndet opozitës për t’u bërë konkurrente me prestigj!
Shirat e stuhishme nuk janë fort të bereqetshme! Fitorja ‘rozë’ nuk ishte aspak e papritur, por nuk pritej kaq e fortë. "Heroi" lavdi plotë fitoi edhe me tepër se deshi vete.
Ngallnjimi i tij më kulmues është basti i fituar me Shkodrën.
14 Maj ishte data më fatale e historisë Berishiane. Humbja e tij vetëvrasëse i dhuroi kundërshtarit të tij të tmerrshëm gjithë kështjellat.
Nëse prapë vijon me këtë kokë fortësi sipas proverbit ‘Napolonian’; “Garda vdes, por mbreti nuk dorëzohet” fituesi i sotëm do të plaket në pushtet të pa kufij.
Gjithsesi ‘Fitorja e Shkodrës’ mbetet historike pasi solli rotacionin e parë të munguar të një qyteti ‘shejzë’ të tjetërsuar në një feud të vetë izoluar.
Të mos presim mrekulli qiellore nga fituesi i sotëm, por rikthimin e qytetit- fshatit të sotëm (të plehëruar, baltosur dhe betonuar) në parametra urbane të pranueshme.
Benet Beci nuk ka kohë për të festime të ethshme, pasi ka një barrë më të rëndë mbi shpinë, madje më të rëndë se Taraboshi e Cukali.
As opozita e dorëzuar lokale nuk ka pse të qahet për çifligun e humbur.
Shkodrën nuk e fitoi Beci, por e humbën ata në mënyrën më të merituar.
"Hanibali” në Romë nuk mund të futej pa i hapur shteg kalimit "Dukagjini", gjë e cila u mundësua edhe nga bekimi "hyjnor" i Afërditës!
Pragmatizmi fitoi mbi militantizmin e ndryshkur dhe besnikërinë e pa kushte.
Lëvizja "Dukagjini kërkon rrugën" tani është më pranë se kurrë realizimit të kësaj ëndrre! Benet Beci do kurorëzohet me palmën e fituesit kur ky projekt të marrë jetë nga superiori i tij madhor.
‘Kumbare’ e këtij projekti është vetë "e bekuara" hirplote, Elisa Spiropali,(Afërdita).
Të presim me qetësi e vigjilencë premtimin e dhënë, përndryshe 2025 do na gjej me fjalë të tjera! Urime Fituesit! Zoti i dhëntë shëndet opozitës për t’u bërë konkurrente me prestigj!/Pamfleti
Lini një Përgjigje