FLASH
Shkruar nga Spartak Ngjela
Dhe koha jonë po ecën drejt shkencës në zhvillimin e saj permanent, drejt artit të madh, dhe humanizmit.
Një shkallë e lartë e intelektit tenton ta bëje njeriun joshoqëror.
Shopenhauer na i tha i pari këtë. Dhe koha e vërtetoi si aksiomë të vërtetë.
Por me këtë aksiomë morale kuptohet se diferenca e shoqërive në lartësi dhe në intelektin e një gjeniu, nuk ka lidhje me shoqërinë, por me krijimin e gjeniut, dhe me historinë.
Pse, ju mendoni se shenjtorët dhe shkrimtarët e mëdhenj, piktorët e mëdhenj e poetët e mëdhenj kanë qenë brenda gravitacionit të shoqërive ku ata kanë jetuar.?
Jo, sepse...
Ata kanë lindur në kohë, për të krijuar qytetërimin e lartë që kemi sot.
Ata e kanë drejtuar historinë njerëzore nga hiçi në gjithçka që ne kemi sot.
Këta gjeni të intelektit, nuk kanë marre asnjëherë përsipër që të drejtojnë turmat e njerëzve.
Pse, ligjet e Njutonit që na kanë sjellë me zhvillimin e tyre kohor deri këtu ku jemi sot, kanë pasur lidhje me shoqërinë?
Jo.
Gjenialiteti i tyre nuk e ka parë fare shoqëroren, por shoqëritë janë drejtuar nga aksiomat e tyre shkencore dhe shpikjet e shkencës e të intelektit të lartë.
Koha e qytetërimit të lartë, sigurisht që është koha e arsyes së lartë.
Dhe, e gjithë kjo histori prej gjenish, sot është e shpërndarë nëpër tekstet e shkollave të larta.
Zhvillimi shoqëror kërkonte shpikje në vijimësi dhe shpikjet janë krijuar nge njeriu gjenial që ka menduar vetëm për shkencën dhe hegjemoninë e tij intelektuale, prandaj, shpikësit apo shkencëtarët, kanë hyrë në pavdekësinë që u kanë dhënë zbulimet e tyre shkencore, kurse zbulimet shkencore, në vijimësi, e kanë nxjerrë njeriun në hapësirë, kanë zhvleftësuar figurën e të mbinatyrshmes në drejtimin e njerëzimit, kanë krijuar mendimin shkencor dhe, me të vërtetën shkencore, kanë rrëzuara përrallën; kanë krijuar artin e madh, dhe e kanë përcaktuar dashurinë njerëzore si ndjenjë dhe si respekt të jetës në funksion të humanizmit.
Dhe koha jonë po ecën drejt shkencës në zhvillimin e saj permanent, drejt artit të madh, dhe humanizmit.
Lini një Përgjigje