FLASH
Shkruar nga Lutfi Dervishi
Ne jemi i vetmi vend në botë ku njerëzit durojnë 4 vjet qeverinë, por jo 4 sekonda në semafor!
Gëzuar ditën e Verës!
Ne jemi i vetmi vend kur në fillim vjen vera pastaj pranvera!
Ne jemi i vetmi vend që në fillim zgjedhim deputetët, pastaj i votojmë dhe pastaj pyesim: "Prap të njëjtat fytyra?".
Ne jemi i vetmi vend që rrugët inaugurohen, pastaj përfundohen!
Ne jemi i vetmi vend ku projektet rrugore i ngjajnë serialeve latino amerikane, çdo vit një lot i ri!
Në jemi i vetmi vend ku reformat janë historike, ndërsa rezultatet legjendare. Askush nuk i sheh!
Ne jemi i vetmi vend, ku gjyqin e bëjmë në portale dhe raportimet në gjykatë.
Ne jemi i vetmi vend në botë ku qumështi ka afat skandence më të madh se premtimet elektorale.
Ne jemi i vetmi vend në botë ku njerëzit durojnë 4 vjet qeverinë, por jo 4 sekonda në semafor!
Ne jemi i vetmi vend ku populli kërkon për një të ardhme më të mirë, por voton për të shkuarën!
Gëzuar ditën e Verës!
Lini një Përgjigje