FLASH
Shkruar nga Kreshnik Spahiu
A do e quanin të pafajshëm kryeministrin Rama, nëse ai nesër vret 4 demokratë të pa armatosur ashtu siç bëri Berisha me socialistët?
Për të gjithë ju që thoni, Berisha s’kishte faj në 21 Janar, unë kam disa pyetje:
- Po sikur Edi Rama të vrasë nesër në bulevard 4 protestues demokratë të pa armatosur dhe të plagosë 20 të tjerë?
- Po sikur Edi Rama t’i japë urdhër shefit të gardës të hapë zjarr nesër në turmë?
- Po sikur Edi Rama të dalë në TV dhe t’i thotë Berishës: “kam vendosur 5 snajperë dhe po ta mbajti ty afrohu?”
- Po sikur Edi Rama pasi të vriten nga garda të dalë dhe të thotë që ata u vranë nga njerëz brenda turmës me çadra pistoletë dhe thika me helm?
- Po sikur Edi Rama pasi t'i vrasë, të fshijë të gjitha videot e kryeministrisë që të mos i marrë prokuroria?
- Po sikur Edi Rama pas vrasjes të urdhëroi policinë mos ekzekutojë 6 arrestimet e shefave të gardës?
- Po sikur drejtori i spitalit të dalë nesër pas autopsisë së kufomave dhe të thotë: “Janë vrarë nga 2 metra distancë?”
- Po sikur pas një jave Edi Rama të ngrejë komision hetimor për të akuzuar Bajram Begajn, Sali Berishën, Altin Dumanin dhe Vlora Hysenin për grusht shteti?
- Po sikur pas vrasjes 4 demokratëve, prokuroria mos guxojë 13 vite ta pyesë as për dëshmitar Edi Ramën nga frika?
Përgjigjet i pres nga ata demokratë të cilët kanë bërë thirrje që nesër populli duhet të bëjë kryengritje që të rikthehen në pushtet Monika, Meta, Berisha, Mediu dhe Fredi Beleri.
Nuk e di, nëse ka shqiptarë që do jepnin jetën për të rikthyer në pushtet këto fytyra por gjithsesi pyetja publike shtrohet:
A do e quanin të pafajshëm kryeministrin Rama, nëse ai nesër vret 4 demokratë të pa armatosur ashtu siç bëri Berisha me socialistët?
Përgjigjen duhet ta japin ata që mbrojnë pafajësinë e vrasjeve në bulevard të 4 protestuesve socialistë që as nuk kaluan gardhin.
Çfarë mendoni se duhet të bëjë nesër garda e republikës dhe çfarë urdhrash duhet të marrë?
Populli kishte të drejtë të protestonte edhe në 21 janar, por ka të drejtë edhe nesër në 7 tetor.
Pse e drejta e vrasjes legjitimohet vetëm kur urdhëron Berisha?
A do e mbronin analistët nesër në mbrëmje Ramën nëse do vriste, ashtu siç bën dhjetëra gazetarë me Sali Berishën?
As Ramiz Alia nuk guxoi të vrasë në bulevard.
Jo Jo, Edi Rama nuk do të guxojë të vrasë, sepse askush nuk shpëton dot nga burgu, as ai që urdhëroi 13 vite më parë…
Drejtësi e vonuar, por jo e harruar...
Lërini të ndezin zjarre dhe të djegin veten e tyre përjetësisht në politikë.
Lini një Përgjigje