FLASH
Shkruar nga Pamfleti
Nga miliardat e shpenzuara në operacione ushtarake te rritja e çmimit të naftës, konflikti me Teheranin po kthehet në një barrë të rëndë ekonomike dhe politike për Uashingtonin...
Sipas një analize të publikuar në mediat ndërkombëtare, kostoja e përfshirjes së Shteteve e Bashkuara në përballjen e hapur me Iranin ka arritur tashmë në mbi 30 miliardë dollarë, ndërsa ekspertët paralajmërojnë se kjo është vetëm faza fillestare e faturës. Shifra përfshin operacionet ushtarake, dislokimin e forcave në Lindjen e Mesme, mbështetjen për aleatët rajonalë dhe kostot logjistike që rriten çdo ditë me miliona dollarë.
Në aspektin ushtarak, mbajtja në gatishmëri e grupeve detare me aeroplanmbajtëse, sistemet e mbrojtjes ajrore dhe operacionet ajrore intensive krijojnë një konsum të jashtëzakonshëm burimesh. Çdo ditë e zgjatjes së konfliktit shumëfishon koston, ndërsa Pentagoni përballet me presion për të ruajtur superioritetin strategjik pa u zhytur në një luftë të gjatë rraskapitëse; një skenar që opinioni publik amerikan e ka përjetuar me Irakun dhe Afganistanin.
Por kostoja reale nuk matet vetëm në buxhetin e mbrojtjes. Tensionet në Gjirin Persik kanë shtyrë lart çmimet e naftës në tregjet globale, duke kaluar pragje psikologjike që ndikojnë drejtpërdrejt në inflacionin amerikan. Rritja e çmimit të karburantit mbi 3 dollarë për galon po ushtron presion mbi familjet amerikane dhe po rrezikon të rikthejë spiralen inflacioniste, në një moment kur ekonomia amerikane po përpiqet të ruajë stabilitetin pas cikleve të larta të normave të interesit.
Analistët theksojnë se nëse konflikti zgjatet ose përshkallëzohet me përfshirjen e aktorëve të tjerë rajonalë, çmimi i naftës mund të kalojë edhe mbi 100 dollarë për fuçi. Një zhvillim i tillë do të kishte efekt zinxhir jo vetëm për ekonominë amerikane, por edhe për Europën dhe tregjet në zhvillim, duke rritur kostot e transportit, ushqimeve dhe energjisë.
Nga pikëpamja gjeopolitike, përballja me Iranin paraqet një dilemë strategjike për Uashingtonin: të ruajë kredibilitetin si fuqi garantuese e sigurisë në Lindjen e Mesme, apo të shmangë një konflikt të gjatë që do të konsumonte kapital financiar dhe politik në një kohë kur rivaliteti me Kinën dhe Rusia mbetet prioritet afatgjatë.
Në këtë fazë, është e pamundur të jepet një shifër përfundimtare për koston e luftës. Por një gjë është e qartë: çdo ditë që konflikti vazhdon, fatura për Amerikën rritet dhe bashkë me të edhe pasiguria globale. Për rajonin e Ballkanit dhe vende si Shqipëria, implikimi indirekt vjen përmes tregjeve të energjisë dhe stabilitetit euro-atlantik, duke e bërë këtë konflikt shumë më tepër sesa një përballje dypalëshe në Lindjen e Mesme./Pamfleti
Po pse cfate kujtomi ju? Se america hyn ne lifte me mendesine e varfankakut??? Uhhhh cfarev idiotesie!
Nëse deri tani SHBA-s i ka kushtuar 30 miliard dollar,minimalisht ka fituar 60 miliard....lufta është bisnesi më fitimprurës.