FLASH
Shkruar nga PamfletiBordi i Transparencës ka ulur çmimin e naftës me 10 lekë.
Bordi i Transparencës ka publikuar çmimet e reja tavan për tregtimin e karburanteve në vend, të cilat do të hyjnë në fuqi sot, më 7 maj, në orën 12:00 dhe do të mbeten të vlefshme deri në mbledhjen e ardhshme të bordit.
Nafta do të tregohet me 196 lekë për litër, 10 lekë më pak se mbledhja e fundit e bordit.Ndërkohë, çmimi i benzinës është caktuar 180 lekë/litër, 4 lekë më pak se vendimi i fundit i bordit.
Autoritetet u kanë tërhequr vëmendjen operatorëve të tregtimit me shumicë dhe pakicë për detyrimin e zbatimit të këtij vendimi, duke paralajmëruar masa ndëshkuese në rast shkeljesh.
“Në rast të shkeljeve të konstatuara nga operatorë të ndryshëm do të vendoset pezullimi i aktivitetit”, thuhet në njoftim.
Ministria e Ekonomisë dhe Inovacionit, së bashku me Ministrinë e Financave dhe Ministrinë e Infrastrukturës dhe Energjisë, deklarojnë se mbeten të angazhuara për mbrojtjen e interesave të konsumatorëve dhe garantimin e konkurrencës së ndershme në tregun e karburanteve.
Lini një Përgjigje