FLASH
Shkruar nga Gjergj Zefi
Qasja morale e Papës dhe ajo e tregut nga Trump; dy fytyrat e Perëndimit përballë Rusisë...
Në kohë lufte, nuk janë vetëm tanket që flasin, por edhe fjalët, dhe ndonjëherë, zërat e butë janë ata që tingëllojnë më fort. Presidenti ukrainas Volodymyr Zelensky ka ftuar Papën të vizitojë Ukrainën; një thirrje që shkon përtej politikës: është një apel për ndërgjegjen globale.
Nëse kjo vizitë ndodh, do të jetë shumë më tepër se një akt simbolik: do të jetë një ndërhyrje morale në një konflikt ku e drejta është shpesh e shtypur nga fuqia, dhe ku viktimat nuk kanë as zë, as përfaqësim.
Papa nuk premton armë, por jep shpresë. Nuk ofron zgjidhje teknike, por ngre një pasqyrë për të reflektuar mbi çfarë kemi bërë si shoqëri për të ndalur barbarinë.
Ndërkohë, nga ana tjetër e spektrit të Perëndimit, Donald Trump, artikulon një qasje që ngjan më shumë me një pazar lufte sesa me një ofertë për paqe. Në deklaratat e tij të fundit, Trump i ka bërë thirrje Ukrainës të tërhiqet nga Donbasi për të shmangur “humbje më të mëdha”, një lloj diplomacie shantazhi që i jep të drejtë agresorit dhe e redukton sovranitetin kombëtar në monedhë shkëmbimi.
Ky kontrast është tronditës: në njërën anë, Papa që flet për paqe me dinjitet dhe drejtësi, dhe në anën tjetër një politikan që e sheh luftën si mundësi për të rinegociuar kufinj dhe interesa të tjera.
Trump nuk shqetësohet për viktimat, për fëmijët nën rrënoja, apo për të drejtat ndërkombëtare që po dhunohen. Ai flet me gjuhën e fitimtarit të ftohtë, atë që e sheh paqen si një transaksion, jo si një proces pajtimi dhe drejtësie.
Nëse Perëndimi zgjedh rrugën e Trumpit, atëherë ai pranon një botë ku më i forti bën ligjin. Nëse ndjek mesazhin e Papës, zgjedh një model ku edhe viktima ka zë, dhe ku paqja nuk ndërtohet mbi rrënojat e të drejtës.
Historia do të kujtojë jo vetëm atë që ndodhi në Ukrainë, por edhe se si u reagua ndaj saj. Në një skenë botërore që ka harruar kufirin midis kompromisit dhe cinizmit, mesazhi i Papës vjen si një kujtesë e asaj që kemi humbur: moralin si bazë për politikën. Dhe ndoshta, edhe për njerëzimin…/Pamfleti
Pas LDB, ku solli si pasoje humbjen e jetes te rreth 70 milion njerezve, BE ishte kontributori me i madh i demokracise,civilizimit,humanizmit dhe i shtetit te se drejtes ne bote,perkrah SHBA. Pas viteve 90 me ligjet e rregullat u duk se BE po arrinte persosmerine, duke mos i dhene rendesi fare faktit se nga organizata te fshehta te tipit freemasoneri do pergadisnin turli lloj manjati e diktatori per te thyer rregulla nderkombetar dhe pushtuar teritore te shteteve te pavarura. Per Rusine dihej si shtet pushtues,por per SHBA eshte nje surprize jo e kendshme,e pa parashikueshme. E kishim si model te shtetit te se drejtes dhe humanizmit SHBA, qe mbron kombet e vogla, qe eshte kunder asimilimeve dhe krimeve kunder njerezimit. Ne vitin 2023 ate qe po ndodh sot ne Ukraine e kishte paralajmeruar Joe Biden ne nje takim me Zekenskin para primareve te zgjedhjeve presidenciale ne SHBA, te cilit I tha.. Uroj te mos zgjidhet Trump kandidat I Republijaneve dhe aq me keq te fitoje zgjedhjeve ne nentor 2024. Fati i Ukraines nuk dihet. Por aq me keq edhe fati i Europes apo me gjere.