FLASH
Shkruar nga Sokol PepushajTingujt për arrestimin e Olsi Ramës janë në kulmin e vet...
Olsi Rama, ka vite që rrëshqet si ‘Peshk i Madh’ nëpër hemofili të hetimeve homogjene të homologëve të drejtësisë shqiptare.
Informacioni për sheikun, herë rrjedh shpejt e herë mpikset, por as sesi nuk fshihet për gjatë nën gjuhë të Altin Dumanit, që ende nuk e hap gojën për dosjet e hetimit të karteleve të drogës.
Rrumbi i trokes që tundet në qafë të vëllait kryeministër, ka prishur qetësinë e OSBE-së, DEA-s Amerikane, shërbimeve gjermane, franceze, spanjolle, suedeze, finlandeze, të Letonisë, Ukrainës, Gjeorgjisë, Italisë, Brazilit, Holandës, Dubait e ngado shfaqet emri i Olsi Ramës.
E para ishte vetë OSBE-ja që doli mbi një kodër e lajmëroi shqiptarët se Olsi ka 200 milionë dollarë në Parajsat Fiskale dhe e fundit është DEA amerikane që normalisht është këtu për të kapur peshq si Olsi e jo “bretkosa”.
Një herë kërceu nga ngastra e hashashit në ujin e një peshku, vëlla ministri, deputeti Salianji, dhe aty e kapi Edi Rama.
E rrasi në burg për shpifje, vetëm se shpërndau lajmin që Agron Xhafaj po rrëshqiste si peshk nëpër korrupsionin qeveritar në Shqipëri dhe nuk po e kapin dot italianët për të vuajtur dënimin prej 7.4 vitesh.
Tingujt për arrestimin e Olsi Ramës janë në kulmin e vet.
Fshatarët i kanë veshët me ujë e presin këtë nëntor lajmin, se u arrestua Olsi Rama, i akuzuar në dhjetëra shtete dhe me pasuri të tmerrshme në Amerikë.
Edhe peshqit, njëlloj si uji, e gjejnë vetë rrugën.
Edhe pse futen me të shtyrë në dosje të SPAK-t, dalin mbi mulli të fshatit gjysëm amerikan dhe zënë vijën e ujit me dollarë.
Drithërimat që u ka futur në trup hetimi, u kanë errësuar shikimin, prandaj fshatarët shohin me habi se si Olsi Rama rrëshqet si peshk nëpër dosjet e DEA-s amerikane./Pamfleti
Lini një Përgjigje