FLASH
Shkruar nga Pamfleti
Organizata bamirëse, World Central Kitchen (WCK) ka bërë thirrje për një hetim të pavarur pasi shtatë nga punëtorët e saj u vranë në një sulm ajror izraelit në Gaza.
Shtatë viktimat, të cilët punonin për World Central Kitchen (WCK), u vranë kur kolona e tyre u sulmua nga ajri të hënën.
Tre nga punonjësit e ndihmave të vrarë ishin shtetas britanikë. Një shtetas polak, një australian, një palestinez dhe një shtetas i dyfishtë amerikano-kanadez u vranë gjithashtu.
Në një deklaratë, organizata thotë se punëtorët e saj po udhëtonin me automjete "të shënuara si WCK" dhe lëvizjet e tyre ishin në përputhje të plotë me autoritetet izraelite që ishin në dijeni të itinerarit dhe misionit të tyre humanitar.
Grupi u kërkon qeverive të Australisë, Kanadasë, Shteteve të Bashkuara, Polonisë dhe Mbretërisë së Bashkuar të bashkohen për të kërkuar një hetim të pavarur, të palës së tretë mbi këto sulme, për të gjetur nëse ato janë kryer me dashje ose kanë shkelur ligjin ndërkombëtar.
“Një hetim i pavarur është e vetmja mënyrë për të përcaktuar të vërtetën e asaj që ndodhi dhe të parandalojë sulmet e ardhshme ndaj punonjësve të ndihmës”, shton deklarata.
Izraeli thotë se sulmet ishin një "gabim i rëndë" dhe ka premtuar hetimin e tij.
Lini një Përgjigje