FLASH
Shkruar nga Pamfleti
Vendimi vjen pas sulmit me dron ndaj ambasadës amerikane në Riad dhe rritjes së tensioneve me Iranin
Shtetet e Bashkuara kanë urdhëruar personelin diplomatik në Saudi Arabia të largohet nga vendi, sipas raportimit të The New York Times që citon zyrtarë aktualë dhe ish-zyrtarë amerikanë.
Urdhri i Departamentit të Shteti shënon herën e parë që një vendim i tillë merret gjatë luftës aktuale me Iran. Vendimi vjen më shumë se një javë pasi nisën sulmet e përbashkëta të SHBA dhe Israel kundër regjimit iranian.
Gjatë konfliktit, Irani ka kryer sulme ndaj objektivave në rajonin e Gjirit, përfshirë edhe territorin e Arabisë Saudite.
Ministria e Mbrojtjes e Arabisë Saudite deklaroi se ambasada amerikane në Riyadh u sulmua nga dy dronë, të cilët shkaktuan një zjarr të vogël në ndërtesë. Pas sulmit, autoritetet amerikane vendosën të mbyllin ambasadën.
Raporti thotë se qytetarëve amerikanë në disa qytete saudite u është kërkuar të qëndrojnë në vende të sigurta. Autoritetet saudite deklaruan gjithashtu se kanë rrëzuar një tjetër dron që kishte në shënjestër zonën ku ndodhet ambasada amerikane.
Sipas raportimit, diplomatët amerikanë në Arabinë Saudite kishin kërkuar vetë miratimin e urdhrit për t’u larguar nga vendi. Ndërkohë, punonjësve jo-thelbësorë dhe familjeve të tyre në ambasada të tjera amerikane, përfshirë ato në Israel, u është dhënë mundësia të largohen nëse dëshirojnë.
Lini një Përgjigje