FLASH
Shkruar nga Pamfleti
Personat e besuar ishin vetëm familjarët e tij, sepse në intrigat e Lindjes së Mesme, janë bërë shpesh përpjekje për të çarë mburojën.
Ushtria izraelite (IDF) njoftoi se lideri i Hezbollahut, Hassan Nasrallah është vrarë. Forcat e saj ajrore goditën ditën e djeshme selinë qendrore të Hezbollahut, për të cilën ndodhej nën tokë nën një ndërtesë banimi në një periferi jugore të Bejrutit.
Sekuenca e fundit ishte e shpejtë, me urdhër për të goditur në shansin e parë duke supozuar se objektivi i sulmit, lideri i Hezbollah Hassan Nasrallah ndodhej aty. Kështu, bombat anti-bunker shkatërruan ndërtesa dhe morën jetë njerëzish. Gjithçka ndodhi mbi selinë e Hezbollahut në Bejrutin jugor. Ky ishte një plan i pastër për të neutralizuar Hassan Nasrallah, liderin e lëvizjes shiite aleate me Teheranin. Mëngjesin e sotëm ushtria izraelite njoftoi vdekjen e tij, ndërsa një numër i lartë civilësh humbën jetën.
Lideri dhe sfida
Lideri i Hezbollah, Hassan Nasrallah ishte mësuar me sfidën që kur, në vitin 1992, ai mori stafetën e komandës nga Abbas Mussawi, të djegur nga raketat e lëshuara nga një helikopter izraelit. Më vonë, u shtuan konfliktet, veprimet e fshehta nga Mossad dhe përpjekjet për infiltrim. Nasrallah, 64 vjeç, duhej të vepronte nga distanca, i fshehur diku, i rrethuar nga një sistem sigurie i përbërë nga qarqe të shumta. I fortë, i trajnuar mirë dhe në të njëjtën kohë jo shumë i dukshëm pasi në një prani masive të milicëve rrezikonte të tërhiqte vëmendjen. U fol për dhjetëra persona që ruanin në mënyrë diskrete zonën që do ta strehonte si një linjë të jashtme mbrojtjeje, më pas një tjetër mburojë dhe në fund mbrohej edhe nga truprojat e tij. Personat e besuar ishin vetëm familjarët e tij, sepse në intrigat e Lindjes së Mesme, janë bërë shpesh përpjekje për të çarë mburojën.
Pasi kërkohej kontakti me një të afërm që mund ta nxirrte liderin në pritë dhe t’ia shiste armiqve.
Izraelitët shënjestruan liderët e Hezbollah në një sërë atentatesh. Prerja e kokës ishte një shenjë se si Mossad dhe inteligjenca ushtarake kishin arritur të gjuanin kuadrot derisa misioni u mbyll. Ishte tronditëse. Nasrallah që urdhëroi të mos përdoreshin telefonat, guerilët që zbatuan rregulla strikte të cilat megjithatë nuk e shmangën eliminimin e Fuad Shukr. I menaxhuar, i monitoruar dhe i rrethuar gjithmonë me njerëz, por befas u zbulua se lideri i Hezbollah Hassan Nasrallah ishte i pasigurt.
Një tjetër lëkundje e sigurisë dhe një tjetër tronditje: aksioni i kryer nga shpërthimi i pagerave me një efekt të trefishtë. Spiunazhi izraelit ka vënë në hartë të ekzekutuarit dhe të plagosurit duke rindërtuar "pemën familjare" të luftës guerile. Kaosi, pasiguria, thashethemet dhe bombat, e kanë bërë bastionin më të brishtë. Një pajisje kompakte që rrallë herë ndodhte të gabonte.
Taktikat
Tel Avivi mbështetej në teknologji për të ndjekur pengjet që mund të çonin në majën e piramidës, por sigurisht që kishte informatorë të gatshëm për të zbuluar vendndodhjen e objektivit. Thuhet se pas kësaj ngjarjeje militantët do të zhvillojnë një takim dhe do të mbledhin Këshillin. Talal Hamya, kreu i operacioneve të jashtme, ideologu Naim Qassem, Alì Karaki, komandant i frontit jugor dhe Hashem Saffiedine, kleriku i caktuar si pasardhësi i mundshëm i Nasrallahut, e kanë marrë parasysh rrezikun. Nuk u përjashtua as prania e Abbas Nilforushan, përfaqësues i Forcave Qods, krahu klandestin i Pasdaranit iranian.
Është e vërtetë që njësitë guerile janë modeluar për të vepruar në mënyrë autonome dhe fleksibël, në mënyrë që të mund të veprojnë në mungesë të indikacioneve specifike. Megjithatë, udhëheqësit duhej të shmangnin iniciativat luftarake —për shembull, përdorimin e raketave më të fuqishme, cilat zona të bombardoheshin që mund të shkaktonin pasoja të padëshiruara.
Eksponentët shiitë nuk mund t'i shpëtonin detyrës së tyre, me qeverinë nën presion nga perspektiva e një pushtimi të Izraelit. Për ta bërë këtë ata u detyruan të bënin disa lëvizje, pasi ishte e vështirë të qëndronin të mbyllur. Ata duhej të reagonin, të lëviznin, të flisnin dhe takonin njëri-tjetrin, duke u mbështetur në pajisjet e ndjeshme ndaj përgjimit dhe gjurmimit.
Fazat e fundit
Ditët e fundit milicët kishin njoftuar marrjen e masave të reja, kontrolle dhe hetime për të ndaluar kërcënimin. Korpusi i Gardës Revolucionare Islamike, Pasdaran, urdhëroi ndalimin e përdorimit të pajisjeve. Si pasojë e disfatës së pësuar me biperat dhe radiot e dyanshme të blera jashtë vendit, një kurth që u krijua nga Mossad me përdorimin e kompanive fantazëm. Hezbollahu u angazhua në një betejë ndërsa kali i Trojës ishte futur brenda mureve. Dhe kur të mbarojnë gërmimet nëpër rrënojat e Dahieh, ne do të kuptojmë se kush luftoi për herë të fundit./ Përshtati "Pamfleti", nga "Corriere della sera"
Lini një Përgjigje