FLASH
Shkruar nga Pamfleti
Kjo zgjati 3,000 vjet, a mund ta besoni?
Presidenti i Shteteve të Bashkuara, Donald Trump, ka nënshkruar sot një marrëveshje paqeje për Rripin e Gazës në prani të udhëheqësve botërorë, duke e cilësuar atë si "nënshkrimin më të rëndësishëm" të karrierës së tij diplomatike.
Samiti i zhvilluar në Sharm el-Sheikh të Egjiptit shënon një hap të madh drejt armëpushimit dhe rindërtimit të zonës së konfliktit, me pjesëmarrjen e vendeve si Egjipti, Turqia, Franca, Gjermania, Mbretëria e Bashkuar, Katari dhe të tjerë.
Ceremonia e nënshkrimit u zhvillua në një atmosferë solemne, me Trump në qendër të skenës, prapa një tavoline të madhe me udhëheqës ndërkombëtarë. Pas nënshkrimit të tij, marrëveshja u vulos nga Presidenti egjiptian Abdel Fattah al-Sisi dhe Presidenti turk Recep Tayyip Erdogan, duke e bërë atë një angazhim multilateral për paqen në Lindjen e Mesme.
"Mendova se kjo ndoshta do të ishte më e vështira, dhe ndoshta në shumë mënyra ishte, por ne kishim shumë talente të mëdha. Ne kishim një gamë të mahnitshme talentesh dhe na ndihmuan, në veçanti, vendet e përfaqësuara në këtë tryezë. Kjo është një ditë e jashtëzakonshme për botën”, tha Trump duke folur para se të ulët në tryezën e diskutimeve.
Ai shtoi se marrëveshja jo vetëm që do të sjellë paqe në Gaza, por do të shmangë një "Luftë të Tretë Botërore" që, sipas tij, mund të kishte shpërthyer në Lindjen e Mesme.
Duke iu referuar historisë së gjatë të konfliktit, teksa theksoi se kjo marrëveshje do të zgjasë përgjithmonë.
"Kjo zgjati 3,000 vjet, a mund ta besoni? Dhe do të rezistojë”, tha ai.
Para nënshkrimit, Trump mbajti një fjalim ku vlerësoi grupin e udhëheqësve, duke thënë se ky ishte Samiti më i fuqishëm i mbledhur ndonjëherë.
"Siç mund ta shihni, ky është ndoshta grupi më i madh i vendeve për sa i përket pasurisë dhe pushtetit që mund të jetë mbledhur ndonjëherë, dhe është thjesht një nder të jem pjesë e tij", tha ai.
Një imazh i kapur nga një fotograf në dhomë jep një ide mbi këtë pyetje, ndërsa presidenti ngriti faqen e nënshkrimit drejt shtypit.
Gjysma e sipërme e faqes përfshin një numër ndjekjesh dhe angazhimesh, duke përfshirë "tolerancën, dinjitetin dhe mundësitë e barabarta për çdo person".
“Ne kërkojmë tolerancë, dinjitet dhe mundësi të barabarta për çdo person, duke siguruar që ky rajon të jetë një vend ku të gjithë mund të ndjekin aspiratat e tyre në paqe, siguri dhe prosperitet ekonomik, pavarësisht nga raca, besimi apo etnia”, thuhet në paragrafin e parë në faqen e fundit.
Gjysma e poshtme e faqes përfshin nënshkrimet dhe titujt e udhëheqësve rajonalë dhe ndërmjetësve të marrëveshjes së armëpushimit nga SHBA-ja, Egjipti, Katari dhe Turqia.
Teksa fliste në podiumin e ngritur në Sharm el-Sheikh, ai tha se kjo është dita që kanë pritur të gjithë dhe se tashmë do të nisë rindërtimi.
"Kjo është dita për të cilën njerëzit në të gjithë rajonin dhe në mbarë botën kanë punuar, janë përpjekur, kanë shpresuar dhe janë lutur. Ne kemi arritur atë që të gjithë e quanin të pamundur, më në fund kemi paqe në Lindjen e Mesme. Është kaq e bukur të shohësh një ditë të re dhe të bukur që po lind. Dhe tani fillon rindërtimi", shtoi ai.
Trump shprehu gjithashtu mirënjohjen e tij të jashtëzakonshme për kombet arabe dhe myslimane, të cilat ai thotë se ndihmuan në arritjen e këtij përparim të jashtëzakonshëm.
Ndërkohë, Presidenti i Egjiptit tha se marrëveshjet e sotme për Gazën hapin derën për një epokë të re paqeje dhe sigurie në Lindjen e Mesme. Abdel Fattah al Sisi tha se përfundimi i luftës në Gaza duhet të jetë fundi i të gjitha luftërave në rajon. Më tej ai shtoi se vendi i tij do të organizojë një samit për rindërtimin e Gazës, teksa theksoi se zgjidhja me dy shtet është rruga.
"Një zgjidhje me dy shtete është e vetmja mënyrë për të përmbushur aspiratat e popullit palestinez dhe izraelit për t'i dhënë fund konfliktit. Paqen nuk e bëjnë vendet dhe shtetet, por njerëzit që janë të bindur se kundërshtarët e djeshëm janë miqtë e sotëm", tha ai.
Hidhi një sy 'bllokut të shënimeve' dhe hidhu një vrap në Balkan!