FLASH
Shkruar nga Pamfleti
Tridhjetë e gjashtë demokratë tani po bëjnë thirrje që presidenti të tërhiqet
Një javë pas atentatit, pothuajse në të njëjtën orë, Donald Trump u prit si një hero në Michigan, ku dhe ju rikthye fushatës.
Forcat e tij të sigurisë u përforcuan, teksa tubimi u zhvillua në ambient të mbyllura. Trump falënderoi Zotin që është gjallë.
"Unë qëndroj para jush vetëm falë Zotit të Plotfuqishëm. Kjo është e vërtetë. Ndryshe unë nuk do të isha sot këtu", tha ai. Më herët, mjeku i tij zbuloi se një prej plumbave i ka kaluar larg kokës për më pak se një çerek inç.
“Çfarë bëra për demokracinë? Mora një plumb për demokracinë”, tha ai.
Fasha në veshin e tij ishte zbutur, por retorika nuk ishte, pasi ai kapitalizoi hallet e demokratëve. "Ata nuk e dinë se kush është kandidati i tyre. Ne nuk e dimë kush është kandidati i tyre. Ne do të marrim përsëri Shtëpinë e Bardhë në një fitore monumentale", shtoi Trump.
Kontrasti është i ashpër. Trump mburret për mbijetesën e tij, ndërsa Biden po lufton për mbijetesë.
I izoluar në Delaware, presidenti thuhet se po ndihet "i zemëruar dhe i tradhtuar" nga anëtarët demokratë të Kongresit që i kërkojnë atij të largohet.
Senatorja Elizabeth Warren, e cila kandidoi më parë kundër Bidenit në zgjedhjet presidenciale demokrate të vitit 2020, ka thënë se nënpresidentja Kamala Harris është "gati" nëse ai largohet.
"Ajo që më jep shumë shpresë tani është se, nëse Presidenti Biden vendos të tërhiqet, ne kemi nënpresidente Kamala Harris e cila është gati të ngrihet për të bashkuar partinë, për të përballur Donald Trump dhe për të fituar në nëntor", tha ajo për MSNBC.
Tridhjetë e gjashtë demokratë tani po bëjnë thirrje që presidenti të tërhiqet, megjithëse zonja Harris tregoi në Twitter të shtunën mbështetjen e saj për Biden.
Nëse zgjidhet për ta zëvendësuar atë, zonja Harris do të ishte gruaja e parë me ngjyrë e partisë dhe personi i parë me origjinë nga Azia Jugore që do të ishte kandidatja presidenciale, por jo të gjithë janë pas saj.
Zyrtarët nga rangjet më të larta, përfshirë ish-kryetaren Nancy Pelosi, preferojnë një proces të hapur për të zgjedhur një zëvendësues, duke besuar se do të forconte një kandidaturë demokrate kur ata të përballeshin me republikanin Donald Trump.
Përfaqësuesja e Nju Jorkut, Alexandria Ocasio Cortez, u tha ndjekësve të saj në Instagram të Premten: "Nëse mendoni se ka konsensus midis njerëzve që duan që Joe Biden të largohet ... se ata do të mbështesin Kamalan, zëvendëspresidenten Harris, do të gaboheni. Shumë prej tyre nuk janë të interesuar vetëm për të hequr presidentin. Ata janë të interesuar të heqin të gjithë grupin".
Zëvendëspresidenti doli në fushatë të shtunën, ndërsa zoti Biden ndodhet në izolim për shkak të COVID. /Sky News
Lini një Përgjigje