FLASH
Shkruar nga Pamfleti
Ministri i Shëndetësisë, Arben Taravari ka folur lidhur me tragjedinë në Koçan, ndërsa aktualisht kanë mbetur të vdekur 51 persona.
118 të plagosur janë shtruar nëpër spitale në Maqedoninë e Veriut, si pasojë e shpërthimit të zjarrit në një klub nate.
Sipas ministrit Taravari, të gjitha autoritetet shëndetësore janë mobilizuar ndërsa disa të plagosur që fillimisht janë dërguar në Shtip, tani janë duke u transportuar në spitalin e Shkupit, Shën Naum Ohridski.
“Po kujdesemi për të gjithë, po punojmë me të gjitha kapacitetet për të shpëtuar sa më shumë jetë që është e mundshme. Nuk do të spekuloja sa janë në gjendje kritike, por do të shkoj te Separtamenti i Kirurgjisë për të marrë informacion të hollësishëm”, u shpreh Taravari.
Ai tha gjithashtu se ka biseduar me drejtorin e Departamentit për transfuzion të gjakut dhe aktualisht nuk ka nevojë për gjak, ndërsa thekson se 18 pacientë janë në gjendje kritike.
Shpërndarja e pacientëve të shtruar sipas raportimeve nga mediat maqedonase:
• Kirurgjia Pediatrike – 4 pacientë
• Klinika e Kirurgjisë Plastike – 11 pacientë
• Spitali Klinik i Shtipit – 45 pacientë
• Spitali i Përgjithshëm i Koçanit – 30 pacientë
• Spitali “Shën Naumi i Ohrit” – 29 pacientë
• Spitali “8 Shtatori” – 17 pacientë
• KARIL – 16 pacientë
Nga numri i përgjithshëm i pacientëve të shtruar, 18 janë në gjendje kritike:
• Kirurgjia Pediatrike – 3 pacientë
• KARIL – 7 pacientë
• Spitali i Përgjithshëm i Qytetit – 5 pacientë
• Spitali i Vjetër i Qytetit – 3 pacientë
Lini një Përgjigje