FLASH
Shkruar nga Pamfleti
Ministri i Jashtëm i Spanjës, Jose Manuel Albarez, njoftoi se vendi i tij do të rihapë ambasadën në Teheran, duke e lidhur këtë hap me angazhimin për përpjekje diplomatike në rajon.
Vendimi parashikon rikthimin e ambasadorit spanjoll dhe rifillimin e funksionimit të përfaqësisë diplomatike në kryeqytetin iranian.
Albarez deklaroi: “I kam udhëzuar ambasadorit tonë në Teheran të kthehet, të marrë përsëri detyrën e tij dhe të rihapë ambasadën tonë dhe ne do të marrim pjesë në këtë përpjekje për paqe nga çdo kontekst i mundshëm, madje edhe nga vetë kryeqyteti iranian”.
Ministria e Jashtme e Izraelit reagoi menjëherë, duke e kritikuar publikisht këtë vendim dhe duke e lidhur me qëndrimin ndaj regjimit iranian.
Ministri i Jashtëm izraelit, Gideon Sa’ar, deklaroi në rrjetin social X: “Shteti terrorist i Iranit po fillon përsëri ekzekutimet e qytetarëve, protestuesve dhe disidentëve. Spanja po rihap ambasadën e saj në Teheran. Dorë për dore, pa turp. Farsa e shekullit”.
Vendimi i Spanjës vjen në një moment tensioni në Lindjen e Mesme. Madridi ka akuzuar më parë Izraelin për shkelje të ligjit ndërkombëtar dhe ka kërkuar armëpushim, ndërsa ka reaguar edhe ndaj operacioneve ajrore në Liban.
Në të njëjtën linjë, Spanja ka ndërmarrë masa konkrete, përfshirë mbylljen e hapësirës ajrore për avionët e përfshirë në konflikt, duke e cilësuar ndërhyrjen si të pamatur dhe në kundërshtim me të drejtën ndërkombëtare.
VENDIM I DREJTE ME KEMBE NE TOKE DONALD KARTRAP ME PRESH NE B I TH E !!