FLASH
Shkruar nga Pamfleti
Një shpërthim i fuqishëm ka tronditur portin e Odesës në Ukrainë pas një sulmi me dronë dhe raketa, që dyshohet se është kryer nga forcat ruse.
Anija ndodhej në portin e Çornomorskut, një nga tre portet e mëdha të Detit të Zi të rajonit të Odesës, shkruan Reuters.
Sipas autoriteteve ukrainase, anija tregtare është përfshirë nga flakët pas bombardimeve, ndërsa pamjet e zjarrit dhe shpërthimit janë bërë virale në rrjete sociale.
Deri më tani nuk raportohet për viktima, por dëmet materiale janë të konsiderueshme.
Forcat Ajrore të Ukrainës kanë konfirmuar se gjatë natës janë kryer sulme të koordinuara ajrore ndaj infrastrukturës portuale të Odesës, një pikë strategjike për eksportet e vendit.
Megjithatë, nuk janë dhënë ende detaje mbi tipin e raketave apo numrin e dronëve të përdorur në sulm.
Operacionet e shpëtimit dhe shuarjes së zjarrit vijojnë, ndërsa autoritetet lokale kanë urdhëruar bllokimin e përkohshëm të qarkullimit në zonën portuale për arsye sigurie.
Lini një Përgjigje