FLASH
Shkruar nga Pamfleti
Aleksandar Vuçiçit duket se i ka shkuar mundi kot. Ai thirri një tubim në mes të Beogradit, por para se të fliste, nisi një shi shumë i rrëmbyeshëm dhe mijëra qytetarë janë larguar.
Mbështetësit e Aleksandar Vuçiçit janë kthyer në autobusë.
Kujtojmë se gjatë gjithë ditës në Beograd kanë mbërritur autobusë me simpatizues të Partisë Progresive Serbe, për këtë arsye qendra e gjerë e kryeqytetit serb është bllokuar.
Protestat “Serbia kundër dhunës”, të cilat çdo të premte janë gjithnjë e më masive, organizohen për shkak të gjendjes në vend dhe pakënaqësisë në rritje të qytetarëve pas dy masakrave që ndodhën në Serbi në fillim të muajit.
Në protestat e organizuara të premten e kaluar, dhjetëra mijëra qytetarë të pakënaqur të Serbisë thërrisnin, “Vuçiç jep dorëheqje”.
Po ashtu, qytetarët e mbledhur kërkuan shkarkimin e shefit të BIA-s, Aleksandar Vulin dhe ministrit të Policisë, Bratislav Gashiç.
Lini një Përgjigje