FLASH
Shkruar nga Pamfleti
Fakti që SHBA nuk ishte në gjendje të lidhte armët specifike amerikane me sulmet nga forcat izraelite në Gaza, mund t'i japë liri veprimi në çdo vendim të ardhshëm për të kufizuar furnizimin me armë ndaj Izraelit.
Një raport i qeverisë amerikane shkruan se përdorimi i armëve të ofruara nga SHBA në Izrael, me shumë gjasë do të shkelë ligjin ndërkombëtar humanitar. Por, kushtet e kohës së luftës nuk lejuan zyrtarët amerikanë të përcaktojnë specifikisht se cilat sulme.
Nga hulumtimet e një raporti në Departamentin e Shtetit, i njohur si memorandumi i sigurisë kombëtare, Biden thotë se ka prova "të arsyeshme" për të vërtetuar se aleati i saj mund të shkelë ligjin ndërkombëtar.
Në raport, thuhet gjithashtu se ende nuk specifikohet se shkelja e ligjit lidhet me armë specifike amerikane apo me sulmet izraelite.
“Duke pasur parasysh mbështetjen e konsiderueshme të Izraelit nga SHBA, duhet parë nëse artikujt që shkruajnë pro mbrojtjes së Izraelit, janë përdorur nga forcat izraelite të sigurisë që nga 7 tetori dhe rastet që nuk janë në përputhje me detyrimet ndërkombëtare humanitare ose me praktikat më të mira të vendosura për zbutjen e dëmeve civile", thuhet në raport.
Gjithashtu shkruhet se ndërsa Izraeli ka njohuritë, përvojën dhe mjetet për të zbatuar "praktikat më të mira për zbutjen e dëmit civil në operacionet e tij ushtarake", provat nga terreni, duke përfshirë numrin e lartë të viktimave, ngrenë pyetjen nëse IDF po i përdor ato në mënyrë efektive.
Duke iu kthyer çështjes së ndihmave në Gaza, raporti amerikan tregon se aktualisht nuk ka prova nëse qeveria izraelite po ndalon apo kufizon transportin ose dërgimin e ndihmave.
Ç'është më e rëndësishmja, raporti nuk thotë se Izraeli ka shkelur kushtet sipas të cilave është në gjendje të përdorë armët amerikane për të kryer ofensivën e tij në Gaza.
Por fakti që SHBA nuk ishte në gjendje të lidhte armët specifike amerikane me sulmet nga forcat izraelite në Gaza, mund t'i japë liri veprimi në çdo vendim të ardhshëm për të kufizuar furnizimin me armë ndaj Izraelit.
Më herët, presidenti Joe Biden paralajmëroi se SHBA do të ndalonte furnizimin me armë nëse forcat izraelite kryejnë një ofensivë në shkallë të plotë në Rafah. Kjo shënoi gjuhën e tij më të fortë deri më sot për këtë çështje. / Përshtati "Pamfleti" nga "SKY News"
Lini një Përgjigje