FLASH
Shkruar nga Pamfleti
Protestat në Serbi janë intensifikuar këtë mbrëmje, me protestues që kanë thyer selinë kryesore të kriminelit serb Voislav Sheshel në Zemun. Protestuesit, të cilët janë të pakënaqur me regjimin e presidentit Aleksandar Vuçiç, kanë sulmuar selinë e Partisë Radikale të Serbisë, duke shprehur zemërimin e tyre ndaj politikave të udhëheqësit serb. Ata i kanë vënë zjarrin flamurit.
Në Valjevo, një pjesë e demonstruesve shkatërruan ambientet e Partisë Progresive Serbe të Vuçiçit, duke i vënë zjarrin.
Policia hodhi gaz lotsjellës dhe granata zhurmuese, dhe më pas sulmoi qytetarët që ishin mbledhur në protestën e sonte në Beogradin e Ri, ndërsa ata po lëviznin drejt Zemunit.
Të shtëna u dëgjuan për herë të parë në kryqëzimin e bulevardit Mihaila Pupin dhe rrugës John Kennedy, pas të cilave policia reagoi. Pasi qytetarët u shpërndanë (që ishte marrëveshja e mëparshme në rast të një sulmi nga oficerët e MUP-it), policia u tërhoq në rrethrrotullimin përpara ndërtesës së Bashkisë së Novi Beograd. Kolona e qytetarëve më parë u nis nga Stari Mercator drejt Zemunit.
Qindra qytetarë të Gornji Milanovac hodhën letër higjienike në ambientet e Partisë Progresive Serbe (SNS) në atë qytet sonte. Gjatë këtij aksioni, dritat në ambientet e SNS u fikën dhe përpara ambienteve kishte vetëm një kordon policie, i cili nuk reagoi ndaj gjestit të protestuesve.
Lini një Përgjigje