FLASH
Shkruar nga Pamfleti
Sekretarja e shtypit e Shtëpisë së Bardhë, Karoline Leavitt, tha se i dyshuari për të shtënat në darkën e Korrespondentëve të Shtëpisë së Bardhë kishte për qëllim të vriste presidentin Donald Trump.
"Ajo që supozohej të ishte një natë argëtuese në darkë me presidentin Trump duke bërë shaka dhe duke festuar lirinë e fjalës, u rrëmbye nga një person i çmendur dhe i shthurur që kërkoi të vriste presidentin dhe të vriste sa më shumë zyrtarë të lartë të administratës Trump.
Isha me presidentin Trump dhe Zonjën e Parë në prapaskenë pasi u shoqëruam shpejt në vend të sigurt nga Shërbimi Sekret. Presidenti Trump ishte vërtet i patrembur, por siç tha mbrëmë, kjo dhunë politike duhet të marrë fund.
Faleminderit forcave të rendit që na mbajtën të gjithëve të sigurt, përfshirë agjentin e guximshëm që mori një plumb në gjoks dhe menjëherë veproi për të neutralizuar autorin e sulmit. Lutuni për vendin tonë", shkroi Leavitt në një postim në X.
What was supposed to be a fun night at the @WHCA dinner with President Trump delivering jokes and celebrating free speech was hijacked by a depraved crazy person who sought to assassinate the President and kill as many top Trump administration officials as possible.
— Karoline Leavitt (@PressSec) April 26, 2026
I was with…
Skena tronditëse u zhvillua në darkën e Korrespondentëve të Shtëpisë së Bardhë në Washington,të shtunën në mbrëmje, pasi u dëgjan të shtëna me armë duke shkaktuar një evakuim të shpejtë të figurave të larta politike, përfshirë zëvendëspresidentin JD Vance, presidentin Donald Trump dhe Zonjën e Parë Melania Trump.
Ajo që filloi si një mbrëmje formale u shndërrua shpejt në kaos, ndërsa agjentët e Shërbimit Sekret u hodhën në veprim brenda hotelit Washington Hilton, ku po mbahej eventi.
Pamjet filmike dhe rrëfimet e dëshmitarëve okularë përshkruan një ndryshim të papritur të atmosferës, ndërsa personeli i sigurisë nxitoi drejt tavolinës kryesore.
Zëvendëspresidenti Vance ishte ndër të parët që u largua, me agjentë që e ngritën fizikisht nga vendi i tij.
Lini një Përgjigje