FLASH
Shkruar nga Pamfleti
Presidenti i Serbisë, Aleksandër Vuçiç deklaroi se sanksionet e vendosura nga SHBA ndaj presidentit të Republikës Srpska, Milroad Dodik dhe zyrtarëve të tjerë të Serbisë, janë presione serioze dhe një problem.
“Nuk ndalet brenda natës, ka presione të mëdha financiare dhe ekonomike dhe populli pret të marrë gjithçka që i takon dhe nuk i interesojnë presionet, njerëzit shkojnë me pushime dhe kur kthehen duan një rrogë. Nuk pyesin se çfarë zgjidhjesh gjeni dhe ne duhet ta bëjmë këtë, edhe pse sigurisht që nuk është e lehtë”, tha Vuçiç, shkruan Euronews Serbia.
I pyetur nëse ka ndonjë alternativë, ai tha se nuk ka, por se po përpiqet gjithmonë të gjejë më shumë lëvizje të mundshme.
“Ndonjëherë në shah, sidomos kur ke pak pjesë, nuk ka shumë kombinime, bën lëvizje të detyruara”, theksoi presidenti serb.
Vuçiç shtoi se nuk donte të zbulonte se çfarë biseduan ai dhe Dodik gjatë vizitës së Vuçiçit, por theksoi se ishte një mundësi që të dy të takoheshin "pa telefona dhe kamera".
"E jona është të shpëtojmë njerëzit tanë, popujt e tjerë dhe të sigurojmë paqen. Gjërat specifike për të cilat folëm nuk janë për publikun", tha ai.
Lini një Përgjigje