FLASH
Shkruar nga Pamfleti
Presidenti i Iranit, Masoud Pezeshkian, paralajmëroi se ushtria iraniane do të përballet me vendosmëri ndaj çdo aktiviteti separatist kurd në vend.
Në një mesazh të publikuar në rrjetin social X, Pezeshkian shprehu mirënjohje për popullin kurd, të cilin e cilësoi “krenar dhe të nderuar”, duke theksuar se shumë kurdë kanë qëndruar në krah të Iranit gjatë konfliktit të fundit.
Presidenti iranian tha gjithashtu se ndan dhimbjen me familjet kurde që kanë humbur të afërm gjatë luftës mes SHBA-së, Izraelit dhe Iranit.
Megjithatë, ai theksoi se institucionet e sigurisë dhe ushtria iraniane, si “garantë të sigurisë së vendit”, kanë detyrimin të përballen në mënyrë vendimtare me çdo veprim që synon ndarjen territoriale.
Deklarata e Pezeshkian vjen në një moment tensionesh të reja, pasi Presidenti amerikan Donald Trump deklaroi në një intervistë për Reuters se mbështet mundësinë që forcat kurde të nisin një ofensivë kundër Iranit.
“Mendoj se është diçka shumë e mirë që ata duan ta bëjnë këtë. Do ta mbështesja plotësisht,” tha Trump. I pyetur nëse Shtetet e Bashkuara do të ofronin mbështetje ajrore për një operacion të tillë, ai nuk dha një përgjigje të qartë, duke thënë vetëm: “Nuk mund t’ju them këtë.”
Sipas Reuters, milicitë kurde iraniane që veprojnë përgjatë kufirit Iran–Irak, në rajonin autonom të Kurdistanit në Irak, kanë zhvilluar diskutime me zyrtarë amerikanë lidhur me mundësinë e operacioneve kundër forcave iraniane në perëndim të Iranit.
Zhvillimet e fundit shtojnë shqetësimet për një zgjerim të mëtejshëm të konfliktit në rajon, ndërsa tensionet mes Iranit dhe kundërshtarëve të tij vazhdojnë të rriten.
Hee shkerdhate…PERQAJ E SUNDO. Hahaha…FASHIST! Edvin qenefi paska patur te drejte.