FLASH
Shkruar nga Pamfleti
Televizioni shtetëror i Iranit raportoi se Gardat Revolucionare iraniane kanë goditur aeroplanmbajtësen amerikane “USS Abraham Lincoln”, e cila ndodhet e dislokuar në rajonin e Gjirit Persik që nga fundi i muajit janar.
Sipas raportimit, sulmi dyshohet të jetë kryer me dronë ushtarakë, por televizioni iranian nuk dha detaje të tjera mbi shkallën e dëmeve apo mbi vendndodhjen e saktë të incidentit.
“USS Abraham Lincoln” është një nga aeroplanmbajtëset kryesore të Marinës së Shteteve të Bashkuara dhe pjesë e flotës së klasit Nimitz, që përbën një nga komponentët më të rëndësishëm të fuqisë detare amerikane. Anija mund të transportojë dhjetëra avionë luftarakë, helikopterë dhe mbi 5,000 pjesëtarë të ekuipazhit, duke shërbyer si bazë lëvizëse për operacione ajrore dhe detare.
Aeroplanmbajtëset përdoren zakonisht për projekcionin e fuqisë ushtarake në rajone të tensionuara, si dhe për mbështetjen e operacioneve ajrore në konflikte ndërkombëtare.
Megjithatë, pretendimet e Iranit për sulme ndaj kësaj anijeje janë kundërshtuar më parë nga autoritetet amerikane. Të hënën, Gardat Revolucionare thanë se kishin goditur të njëjtën aeroplanmbajtëse me katër raketa, por Komanda Qendrore e SHBA-së për Lindjen e Mesme (CENTCOM) e cilësoi atë deklaratë si “të pavërtetë”.
Lini një Përgjigje