FLASH
Shkruar nga Pamfleti
Aktivistja suedeze Greta Thunberg dhe pjesa tjetër e aktivistëve të ndaluar në Izrael për pjesëmarrje në një flotilje ndihmash për në Gaza, u pritën me brohoritje dhe duartrokitje teksa mbërritën në Greqi.
Thunberg mund të shihej duke ngritur krahun në grusht ndërsa njerëzit duartrokisnin. Ajo mbante një buqetë me luledielli dhe trëndafila. Përpara se të dilnin nga aeroporti, midis turmës dëgjoheshin brohoritje "Palestina e lirë, e lirë" dhe "nga lumi në det, Palestina do të jetë e lirë".
Autoritetet izraelite thanë se 171 të paraburgosur janë deportuar në Greqi dhe Sllovaki. Ndërkohë, Ministria e Jashtme e Mbretërisë së Bashkuar tha se po mbështeste shtetasit britanikë e ndaluar në Izrael.
Greta Thunberg ka folur me mbështetësit dhe anëtarët e medias pasi mbërriti në Athinë, Greqi, së bashku me të tjerë të ndaluar në Izrael për pjesëmarrje në një flotilje ndihmash për në Gaza.
Aktivistja suedeze e paqes i tha turmës se “po ndodh një gjenocid para syve tanë” përpara se të ndërpritet nga brohoritjet.
Dikush e heshti turmën dhe ajo vazhdoi: "Askush nuk ka privilegjin të thotë se nuk jemi në dijeni të asaj që po ndodh. Askush në të ardhmen nuk do të jetë në gjendje të thotë se nuk e dinim. Sipas ligjit ndërkombëtar, shtetet kanë një detyrim ligjor për të vepruar për të parandaluar dhe ndaluar një gjenocid. Kjo do të thotë t'i jepet fund bashkëfajësisë, të ushtrohet presion i vërtetë dhe të ndërpritet transferimi i armëve. Ne nuk po e shohim këtë. Nuk po shohim as minimumin e domosdoshëm nga qeveritë tona."
Ajo tha se sistemet ndërkombëtare po i tradhtojnë palestinezët dhe nuk janë në gjendje as të parandalojnë krimet më të këqija që të ndodhin.
“Nuk do ta kuptoj kurrë, kurrë, se si njerëzit mund të jenë kaq të këqij saqë qëllimisht do të linin të uritur miliona njerëz që jetojnë të bllokuar nën një rrethim të paligjshëm, si vazhdim i dekadave e dekadave të shtypjes mbytëse, aparteidit dhe pushtimit”, tha Thunberg.
Ajo shtoi se flotilja humanitare ishte"përpjekja më e madhe ndonjëherë për të thyer rrethimin e paligjshëm dhe çnjerëzor të Izraelit nga deti.
"Nuk mund t'i largojmë sytë nga Gaza. Ky gjenocid dhe gjenocide të tjera po mundësohen nga qeveritë tona, institucionet tona, mediat dhe kompanitë tona. Është përgjegjësia jonë t'i japim fund kësaj bashkëfajësie", përfundoi ajo.
Lini një Përgjigje